L'administraziun chantunala – ina patruna moderna per collavuraturas motivadas e collavuraturs motivads sco Vus.
referendaria u referendari CIL a Samedan (80–100 %)

Uffizi per industria, mastergn e lavur

Ringstrasse 10

7001 Cuira

Voss champ d'incumbensas: Vus giuditgais, tge pussaivladads che persunas che tschertgan ina plazza stagiunala, han sin il martgà da lavur, intermediais ad ellas ina plazza da lavur u iniziais mesiras adattadas, sco p.ex. curs da furmaziun supplementara. Vus cussegliais las persunas che tschertgan ina plazza stagiunala en dumondas dal dretg d'assicuranza ed en autras dumondas, examinais, sche las prescripziuns da controlla vegnan observadas, e collavurais stretgamain cun auters posts. Ultra da quai tgirais Vus il contact cun las patrunas ed ils patruns da la regiun, acquiris plazzas da lavur libras e collavurais en cas da basegn en il secretariat.

Voss profil: Sco basa per questa lavur disponis Vus d'in diplom professiunal sco er d'ina experientscha professiunala da plirs onns. En il cas ideal avais Vus gia lavurà ina giada en il sectur dal persunal u en ina funcziun consultativa ed enconuschais il martgà da lavur local. Vus essas ina persuna ch'è abla da supportar squitsch, che lavura en moda independenta ed effizienta e che ha chapientscha per persunas ch'èn en situaziuns da vita difficilas. Medemamain avais Vus ina gronda cumpetenza sociala, abilitads communicativas e savais As integrar bain en in pitschen team. Bunas enconuschientschas dal tudestg e dal talian sco er dal computer (Word/Excel) vegnan premessas e cumpletteschan Voss profil.

Grad d'occupaziun: 80–100 %

Cumenzament da la lavur: 1. da november 2021 u tenor cunvegna

Lieu da lavur: Samedan

Termin d'annunzia: 17 d'avust 2021

Persuna da contact: Alessandro Fabozzi, telefon 081 257 49 22, alessandro.fabozzi@kiga.gr.ch u Nicola Melillo, telefon 081 257 31 26, nicola.melillo@kiga.gr.ch

Nus ans legrain da Vossa annunzia electronica cumpletta.