L'administraziun chantunala – ina patruna moderna per collavuraturas motivadas e collavuraturs motivads sco Vus.
referendaria tecnica u referendari tecnic (60–80 %)

Uffizi da guaud e privels da la natira

Ringstrasse 10

7001 Cuira

Voss champ d'incumbensas: Sco referendaria tecnica u referendari tecnic sustegnais Vus il manader da la regiun sco er las inschigneras ed ils inschigners forestals regiunals en il biro regiunal tar la lavur da project. Sco assistenta u assistent da projects surpigliais Vus l'administraziun da projects, faschais analisas da las datas da projects dal SIG e sustegnais las relevaziuns champestras e las inspecziuns en il guaud. Vus As occupais administrativamain da la projectaziun, da la realisaziun e dal rendaquint, en spezial da projects da la tgira dal guaud e da projects en il sectur dals privels da la natira en l'entira regiun. Ultra da quai surpigliais Vus incumbensas administrativas generalas ed essas responsabla u responsabel per il support da la IT en il biro regiunal.

Voss profil: Vus avais terminà ina scolaziun forestala superiura (selvicultura u selvicultur SSS, inschignera forestala u inschigner forestal SAS u SPF) u ina scolaziun cumparegliabla ed avais fitg bunas enconuschientschas da la IT. D'avantatg èn experientschas cun il sistem d'infurmaziun geografica (SIG). Vus lavurais a favur dal team, essas ina persunalitad averta ed avais in senn da responsabladad. Enconuschientschas da la lingua rumantscha èn giavischadas.

Grad d'occupaziun: 60–80 %

Cumenzament da la lavur: 1. d'october 2021 u tenor cunvegna

Lieu da lavur: Glion

Termin d'annunzia: 30 da fanadur 2021

Persuna da contact: Renaldo Lutz, telefon 081 257 64 15, renaldo.lutz@awn.gr.ch u Antonio Crisci, telefon 081 257 38 54, antonio.crisci@awn.gr.ch

Nus ans legrain da Vossa annunzia electronica cumpletta.