L'administraziun chantunala – ina patruna moderna per collavuraturas motivadas e collavuraturs motivads sco Vus.
manadra u manader da project per il sectur da l'effizienza energetica (80–100 %)

Uffizi d'energia e da traffic

Ringstrasse 10

7000 Cuira

Voss champ d'incumbensas: Vus elavurais e tgirais projects en il sectur da l'effizienza energetica. Tar Voss champ d'incumbensas tutgi en spezial da controllar e da giuditgar dumondas da promoziun tenor la Lescha chantunala d'energia, da cussegliar al telefon ed en il contact persunal spezialistas e spezialists e persunas privatas sco er da planisar e d'organisar curs da scolaziun e da furmaziun supplementara.

Voss profil: Vus disponis d'in diplom da scola auta spezialisada en direcziun tecnica u d'ina scolaziun equivalenta ed avais experientschas professiunalas e da project da plirs onns, essas ina persunalitad communicativa ed integra ch'è abla da lavurar en in team. Ultra da quai avais Vus in bun dun receptiv ed essas ina persunalitad flexibla ch'è abla da supportar squitsch. Premess vegni che Vus sappias fitg bain tudestg en scrit ed a bucca. Enconuschientschas dal talian èn giavischadas.

Grad d'occupaziun: 80–100 %

Cumenzament da la lavur: 1. da schaner 2022 u tenor cunvegna

Lieu da lavur: Cuira

Termin d'annunzia: 8 d'avust 2021

Persuna da contact: Andrea Lötscher, telefon 081 257 36 30, andrea.lötscher@aev.gr.ch

Nus ans legrain da Vossa annunzia electronica cumpletta.