L'administraziun chantunala – ina patruna moderna per collavuraturas motivadas e collavuraturs motivads sco Vus.
incumbensada u incumbensà da segirezza ICT (80–100 %)

Uffizi da persunal

Steinbruchstrasse 18

7000 Cuira

Voss champ d'incumbensas: Vus surpigliais la responsabladad professiunala en ils secturs segirezza a la plazza da lavur sco er protecziun da la sanadad e procurais per ina direcziun surordinada unitara sco er per ina realisaziun da las activitads en collavuraziun cun ils incumbensads da segirezza dals uffizis. Ensemen influenzais Vus la cultura da segirezza en l'administraziun chantunala tras in'organisaziun adequata da la lavur e tras ina prevenziun cunvegnenta. Vus procurais che la realisaziun vegnia examinada e che las experientschas e las enconuschientschas dals singuls uffizis vegnan colliadas e messas a disposiziun a tut las persunas involvidas. Vus organisais vinavant in barat instituziunalisà tranter las persunas incumbensadas per la segirezza e las cussegliais en cas da basegn en l'execuziun da lur incumbensas. L'organisaziun e la realisaziun da las scolaziuns e da las furmaziuns supplementaras en il sectur da la segirezza a la plazza da lavur e da la protecziun da la sanadad As fa plaschair.

Voss profil: Per questa activitad pretensiusa possedais Vus ina scolaziun fundamentala tecnica u artisanala. Vus avais fatg ina furmaziun supplementara sco spezialista u spezialist SLPS, sco experta u expert da segirezza ubain

sco inschignera u inschigner da segirezza. Praticas da plirs onns en ils temas segirezza fisica, protecziun cunter incendis, implants d’evacuaziun e segirezza a la plazza da lavur vegnan premessas. Vus essas ina persunalitad equilibrada, avais cumpetenzas socialas, essas abla u abel da supportar squitsch ed avais forza da persvader sco er bunas enconuschientschas en l'applicaziun dal computer.Vus communitgais en in stil segir en tudestg e da preferenza er en ina segunda lingua chantunala. Vus avais in bun dun receptiv, pensais en moda analitica e lavurais en moda independenta, fidaivla e precisa sco er a favur da soluziuns. Bunas abilitads da lavurar en in team, flexibilitad e fidadadad cumpletteschan Voss profil.

 

Voss avantatgs: In'activitad interessanta ed independenta che pretenda responsabladad, pussaivladads d'As perfecziunar sco er cundiziuns d'engaschament modernas (incl. homeoffice).

 

Noss team s'allegra d'ina cooperatura u d'in cooperatur carismatic e decidì. Avain nus sveglià Voss interess? Lura ans legrain nus d'As emprender d'enconuscher persunalmain.

Grad d'occupaziun: 80–100 %

Cumenzament da la lavur: tenor cunvegna

Lieu da lavur: Cuira

Termin d'annunzia: 31 da fanadur 2021

Persuna da contact: Fernando Guntern, manader da l'uffizi, telefon 081 257 32 24, fernando.guntern@pa.gr.ch  u Roger Danuser, manader da management dal persunal / vicemanader da l'uffizi, telefon 081 257 32 45, roger.danuser@pa.gr.ch

Nus ans legrain da Vossa annunzia electronica cumpletta.