L'administraziun chantunala – ina patruna moderna per collavuraturas motivadas e collavuraturs motivads sco Vus.
giurista u giurist per il servetsch giuridic/actuariat (80–100 %)

Autoritad per la protecziun d'uffants e da creschids

Gäuggelistrasse 1

7001 Cuira

Voss champ d'incumbensas: Sco giurista u giurist sustegnais e cussegliais Vus en in pitschen team las commembras ed ils commembers da l'autoritad e dals servetschs da sustegn sco er las procuraturas ed ils procuraturs en dumondas giuridicas materialas e formalas (dretg da la protecziun d'uffants e da creschids, dretg matrimonial e dretg d'ierta, affars cun bains immobigliars, dretg d'assicuranza, dretg privat internaziunal). Vus procurais plinavant per in'elavuraziun a temp ed autonoma da proceduras ch'èn vegnidas attribuidas a Vus e per la redacziun da sbozs da decisiun (tant en proceduras attribuidas sco er tar l'activitad en l'actuariat) per mauns da commembras e commembers da l'autoritad che As vegnan assegnads (tranter auter affars che basegnan il consentiment da l'autoritad, art. 416 CCS). Da Vossas incumbensas fa medemamain part la collavuraziun activa en differentas gruppas da project (p.ex. definir la pratica, revisiuns da leschas).

Voss profil: Vus possedais in diplom universitar en giurisprudenza, avais fatg experientscha professiunala (da preferenza en in'advocatura u en ina dretgira) e pudais cumprovar bunas enconuschientschas dal dretg privat. Las incumbensas che As vegnan assegnadas prendais Vus per mauns cun quità sco er en moda effizienta e liquidais quellas er sut squitsch da temp cun in'auta qualitad professiunala. In bun dun receptiv, ina moda da lavurar orientada a la prestaziun da servetschs ed a soluziuns sco er ina fitg buna expressiun linguistica a bucca ed en scrit (da preferenza en pliras linguas) As distinguan. Vus avais l'abilitad da supportar squitsch, e l'ambient mintgatant pretensius da la APUC e la collavuraziun interdisciplinara chapis Vus sco sfidas positivas.

Grad d'occupaziun: 80–100 %

Cumenzament da la lavur: 1. da schaner 2022

Lieu da lavur: Cuira

Termin d'annunzia: 31 da fanadur 2021

Persuna da contact: Ursina Hoffmann-Bühler, telefon 081 257 49 70 u Matthias Tscharner, telefon 081 257 49 70, matthias.tscharner@kesb.gr.ch

Nus ans legrain da Vossa annunzia electronica cumpletta.