L'administraziun chantunala – ina patruna moderna per collavuraturas motivadas e collavuraturs motivads sco Vus.
cuschiniera u cuschinier (80–100 %)
Plantahof
Kantonsstrasse 17
7302 Landquart

Voss champ d'incumbensas: Ensemen cun il team da cuschina avais Vus la responsabladad per ina cuschina moderna e creativa che dovra ils products da l'agen bain puril. Vus producis il nutriment per fin a 360 persunas. Vus essas responsabla u responsabel per far ils desserts e gidais tar ils pasts principals. Vus sustegnais il team da cuschina en las lavurs preparatoricas ed essas cumpetenta u cumpetent per il nettegiament da la cuschina, da las maschinas e dals apparats. Da Vossas lavurs da mintgadi fan part il preparar, tagliar ed elavurar victualias. Ultra da quai gidais Vus en il service d'ensolver, da gentar e da tschaina e sustegnais il sectur da la gastronomia en cas da basegn.

Voss profil: Vus avais terminà ina scolaziun da cuschiniera u cuschinier cun attestat federal da qualificaziun (AFQ). Vus avais ina demananza cultivada ed amicabla ed essas ina persunalitad flexibla ch'è abla da supportar squitsch. Prontezza da far servetsch da la fin d'emna. 

Grad d'occupaziun: 80–100 %
Cumenzament da la lavur: tenor cunvegna
Lieu da lavur: Landquart
Termin d'annunzia: 30 da fanadur 2021
Persuna da contact: Rolf Mettler, telefon 081 257 61 26, u Barbara Bättig, telefon 081 257 61 20 

Nus ans legrain da Vossa annunzia electronica cumpletta.