L'administraziun chantunala – ina patruna moderna per collavuraturas motivadas e collavuraturs motivads sco Vus.
collavuratura u collavuratur da la chanzlia (80–100 %)

Dretgira regiunala Plessur

Theaterweg 1

7001 Cuira

Voss champ d'incumbensas:Sco collavuratura u collavuratur da la chanzlia avais Vus – ensemen cun in team da pliras persunas – la cunresponsabladad che tut las fatschentas dal manaschi da dretgira, las qualas sa refereschan a la chanzlia, vegnian liquidadas senza disturbis e senza sbagls. Il champ d'incumbensas cumpiglia en spezial la gestiun administrativa dals cas davent da lur entrada fin a lur rendaquint ed a lur archivaziun, il servetsch da spurtegl e da telefon sco er l'organisaziun da tractativas, d'audiziuns e d'interrogaziuns (incl. citaziuns). Vus scrivais protocols d'interrogaziuns e da tractativas tenor dictat. La redacziun da diversas correspundenzas e da disposiziuns processualdirectivas sco er l'emissiun da decisiuns, en spezial concernent chaussas da lètg cun reconciliaziun cumpletta, chaussas d'ierta, chaussas da scussiun e da concurs sco er cuntravenziuns cunter scumonds giudizials (scumonds uffizials), liquidais Vus independentamain u tenor prescripziuns.

Voss profil:Vus avais terminà in emprendissadi administrativ u commerzial ed avais – en il cas ideal – plirs onns experientscha professiunala tar ina dretgira, en l'advocatura u en il sectur public. Nus spetgain ina moda da lavurar independenta e fidada, flexibilitad ed abilitad da supportar squitsch sco er bunas enconuschientschas da Microsoft Office.

Grad d'occupaziun: 80–100 %

Cumenzament da la lavur: 1. da schaner 2022 fin 31 da december 2023. Il transferiment en ina plazza fixa da durada illimitada è pussaivel.

Lieu da lavur: Cuira

Termin d'annunzia: 30 da zercladur 2021

Persunas da contact: dr. iur. Peter Guyan, president da la dretgira, u Patricia Lötscher, scheffa da la chanzlia, telefon: 081 257 59 00

 

Nus ans legrain da Voss documents d'annunzia cumplets (curt curriculum vitae cun adressa dad e-mail e cun numer da telefonin, tut ils attestats da lavur e tut las confermas da lavur dals ultims 5 onns, referenzas sco er extracts actuals dal register penal e dal register da scussiun).

Nus ans legrain da Vossa annunzia electronica cumpletta.