L'administraziun chantunala – ina patruna moderna per collavuraturas motivadas e collavuraturs motivads sco Vus.
giurista u giurist sco actuara u actuar da dretgira (80–100 %)

Dretgira regiunala Plessur

Theaterweg 1

7001 Cuira

Voss champ d'incumbensas: Sco actuara u actuar da dretgira faschais Vus scleriments giuridics en tut ils secturs dal dretg civil e penal sco er en il sectur da la Lescha federala davart la scussiun ed il concurs (LSC), sustegnais las derschadras ed ils derschaders en la direcziun da process, faschais il protocol da las tractativas giudizialas e redigis decisiuns. Plinavant tgirais Vus tschertas fatschentas che pertutgan la massa, administrais models u auters agids da lavur ed interrogais perditgas.

Voss profil: Vus avais terminà in studi da giurisprudenza (master u licenziat) ed avais experientschas praticas, da preferenza tar ina dretgira u en in'advocatura. La patenta d'advocata u d'advocat è fitg giavischada.

Grad d'occupaziun: 80–100 %

Salari: tranter 8'700.– francs e 13'000.– francs

Cumenzament da la lavur: 1. da schaner 2022 fin 31 da december 2023. Il transferiment en ina plazza fixa da durada illimitada è pussaivel.

Lieu da lavur: Cuira

Termin d'annunzia: 30 da zercladur 2021

Persuna da contact: dr. iur. Peter Guyan, president da la dretgira, telefon 081 257 59 00

 

Nus ans legrain da Voss documents d'annunzia cumplets (curt curriculum vitae cun adressa dad e-mail e cun numer da telefonin, attestats dal stgalim terziar, tut ils attestats da lavur e tut las confermas da lavur dals ultims 5 onns, referenzas sco er extracts actuals dal register penal e dal register da scussiun).

Nus ans legrain da Vossa annunzia electronica cumpletta.