L'administraziun chantunala – ina patruna moderna per collavuraturas motivadas e collavuraturs motivads sco Vus.
valitadra u valitader d'immobiglias agriculas (80 %)

Uffizi per la valitaziun d'immobiglias

Hartbertstrasse 10

7001 Cuira

Voss champ d'incumbensas: L'Uffizi per la valitaziun d'immobiglias fa valitaziuns uffizialas sco er expertisas da bains immobigliars en il chantun. Vus faschais independentamain valitaziuns d'edifizis agriculs sco er da manaschis d'abitar e da commerzi. Ultra da quai cussegliais Vus las proprietarias ed ils proprietaris d'immobiglias en dumondas da valitaziun.

Vus avais a disposiziun in program da valitaziun modern, ed in team administrativ spezialisà As gida a preparar Vossas incumbensas.

Voss profil: Vus avais terminà ina scolaziun en il sectur agricultura/agronomia ubain essas manadra u manader da construcziun, dissegnadra u dissegnader da construcziun auta u avais ina professiun equivalenta e disponis d'ina basa agricula. Vus avais interess, en il cas ideal er experientscha en ils fatgs da valitaziun d'immobiglias ed avais la prontezza d'absolver ina furmaziun supplementara specifica per questa professiun. Vus essas ina persuna flexibla ch'è abla da supportar squitsch e da lavurar en in team ed avais ina demananza curtaschaivla. Bunas enconuschientschas dal computer cumpletteschan Voss profil.

Grad d'occupaziun: previsiblamain 80 %

Cumenzament da la lavur: 1. d'october 2021 u tenor cunvegna

Lieu da lavur: Tavau

Termin d'annunzia: 18 da zercladur 2021

Persuna da contact: Silvia Jenal, telefon 081 257 38 46, Silvia.Jenal@aib.gr.ch

Nus ans legrain da Vossa annunzia electronica cumpletta.