L'administraziun chantunala – ina patruna moderna per collavuraturas motivadas e collavuraturs motivads sco Vus.
tecnicista u tecnicist da mesiraziun (80–100 %)

Uffizi per la natira e l'ambient

Ringstrasse 10

7001 Cuira

Voss champ d'incumbensas: L'Uffizi per la natira e l'ambient maina raits da mesiraziun en ils secturs aria, aua e terren e fa mesiraziuns d'emissiun en interpresas. Vus faschais part d'in team da metrologia che consista da trais spezialistas e spezialists. Tar Vossas incumbensas tutgi da planisar, da realisar e d'evaluar mesiraziuns d'emissiun sco er da garantir lur qualitad. Ultra da quai tgirais Vus – ensemen cun il team da metrologia – las raits da mesiraziun ch'èn repartidas en l'entir chantun e che funcziunan per gronda part en moda automatisada, e Vus purschais sustegn tar las mesiraziuns manualas d'auas currentas.

Voss profil: Vus avais terminà in emprendissadi sco laboranta u laborant (chemia u fisica) u in scolaziun cumparegliabla en metrologia. Vus savais ir enturn cun instruments da mesiraziun, essas en cas d'evaluar e da preschentar resultats da mesiraziun ed essas pronta u pront da frequentar furmaziuns supplementaras specificas. Vus essas gugent en gir en il chantun Grischun, stimais la lavur al liber ed As muvais en moda segira en la cuntrada. Ina moda da lavurar independenta sco er la collavuraziun en il team As distingua. Ultra da quai avais Vus grondas abilitads organisatoricas e communicativas. Enconuschientschas dal talian èn d'avantatg.

Grad d'occupaziun: 80–100 %

Cumenzament da la lavur: 1. da december 2021

Lieu da lavur: Cuira

Termin d'annunzia: 27 da zercladur 2021

Persuna da contact: Norbert Danuser, telefon 081 257 29 36, bewerbung@anu.gr.ch

Nus ans legrain da Vossa annunzia electronica cumpletta.