L'administraziun chantunala – ina patruna moderna per collavuraturas motivadas e collavuraturs motivads sco Vus.
delegada u delegà dal Post spezialisà per la plurilinguitad (80–90 %)

Departament d'educaziun, cultura e protecziun da l'ambient

Quaderstrasse 17

7001 Cuira

Voss champ d'incumbensas: Sco delegada u delegà dal Post spezialisà per la plurilinguitad, ch'è vegnì creà da nov, rinforzais Vus la trilinguitad sco element essenzial dal chantun. Tar Vossas incumbensas principalas tutgi da cooperar per sensibilisar ils departaments ed ils uffizis d'exequir las prescripziuns legalas. Plinavant faschais Vus scleriments concernent la realisabladad da las propostas da mesiras per promover las linguas en il chantun Grischun, che n'èn anc betg en vigur. Ultra da quai prepara il post spezialisà atgnas mesiras che han la finamira da render la plurilinguitad pli preschenta en l'administraziun chantunala. Da Vossa lavur fan er part la cussegliaziun e la sensibilisaziun d'acturs d'ordaifer l'administraziun. Quai en connex cun dumondas pertutgant l'execuziun da la Lescha da linguas. Sche necessari, dat il post spezialisà cleras instrucziuns d'agir als posts respectivs. Per quest intent sa basa el en spezial sin la Lescha da linguas e sin l'Ordinaziun da linguas sco er sin ils instruments da planisaziun da la Regenza. En Voss champ d'incumbensas accumpagnais e coordinais Vus projects tranter plirs departaments e cooperais en projects interdepartamentals. Vus collavurais stretgamain cun la Promoziun chantunala da linguas.

Voss profil: Questa activitad pretensiusa e variada pretenda ina scolaziun academica. Vus avais experientschas professiunalas cun instruments da planisaziun e cun il management da projects sco er in interess exprimì per la collavuraziun interdisciplinara. Vus essas ina persunalitad fidada che ha interess per prestaziuns da servetsch, savais lavurar en moda independenta e surpigliais ina gronda atgna responsabladad. Vus enconuschais ils process politics ed avais in'affinitad per la politica da linguas. Vus avais plaschair da sustegnair en moda cumpetenta e nuncumplitgada las gruppas en mira internas ed externas. Tar Vossas fermezzas tutgan abilitad da decider e da persvader, dun da contractar, interess per temas politics e capacitad d'As far valair. Abilitad da supportar squitsch ed integritad sco er expressiun segira a bucca ed en scrit en conturns interdisciplinars e plurilings cumpletteschan Voss profil. Bunas enconuschientschas da las linguas chantunalas uffizialas èn necessarias.

Grad d'occupaziun: 80–90 %

Cumenzament da la lavur: tenor cunvegna

Lieu da lavur: Cuira

Termin d'annunzia: 9 d'avust 2021

Persunas da contact: secretari dal departament Simon Bott, telefon 081 257 27 11, Simon.Bott@ekud.gr.ch u cusseglier guvernativ dr. Jon Domenic Parolini, telefon 081 257 27 01, Jondomenic.Parolini@ekud.gr.ch

Nus ans legrain da Vossa annunzia electronica cumpletta.