L'administraziun chantunala – ina patruna moderna per collavuraturas motivadas e collavuraturs motivads sco Vus.
guardiaselvaschina (80 %)

Uffizi da chatscha e pestga

Ringstrasse 10

7001 Cuira

Voss champ d'incumbensas: Sco guardiaselvaschina essas Vus responsabla u responsabel per survegliar las populaziuns da selvaschina e da peschs en il Scanvetg dadens. Vus lavurais sut l'instrucziun dal schef districtual dals guardiaselvaschina e dal survegliader da pestga ed ademplis funcziuns da tgira, da la planisaziun da chatscha, da l'economia da pestga sco er da la polizia da chatscha e da pestga.

Voss profil: Vus avais terminà in emprendissadi u ina scolaziun equivalenta ed essas corporalmain en furma. Premessas vegnan experientschas praticas d'ir a chatscha en il chantun Grischun. Giavischadas vegnan plinavant experientschas da pestgar en las auas dal Grischun sco er bunas enconuschientschas da las spezias grischunas da selvaschina e da peschs e da lur spazis da viver. Vus avais in bun dun d'observar, disponis da bunas abilitads en ils secturs viandar en muntogna, ir cun skis e sajettar ed essas disada u disà da lavurar en moda independenta e cun senn da responsabladad. Plinavant avais Vus bunas abilitads communicativas, ina demananza segira, in dun da contractar e savais perfetgamain tudestg. Ultra da quai enconuschais Vus bain il territori d'acziun previs e sias auas. Vus essas pronta u pront da far servetsch da pichet. Vus avais almain 20 onns, possedais il permiss da manischar da la categoria B ed avais bunas enconuschientschas en l'applicaziun dal computer.

Grad d'occupaziun: 80 %

Cumenzament da la lavur: 1. da favrer 2022

Lieu da lavur: Scanvetg dadens

Termin d'annunzia: 13 da zercladur 2021

Persuna da contact: Claudio Spadin, telefon 081 257 87 57, Claudio.Spadin@ajf.gr.ch u Adrian Arquint, telefon 081 257 38 91, Adrian.Arquint@ajf.gr.ch

Nus ans legrain da Vossa annunzia electronica cumpletta.