L'administraziun chantunala – ina patruna moderna per collavuraturas motivadas e collavuraturs motivads sco Vus.
tgiradra u tgirader d'objects tecnics (80–100 %)

Uffizi da construcziun auta

Ringstrasse 10

7001 Cuira

Voss champ d'incumbensas: Vus cooperais tar il mantegniment e tar il funcziunament d'immobiglias pli cumplexas a Cuira e conturns. Vus essas responsabla u responsabel per mantegnair, per inspectar e per meglierar en moda cumpetenta la tecnica dals edifizis ch'èn vegnids assegnads a Vus, per nettegiar en moda effizienta ils objects sco er ils stabiliments al liber e per manar il persunal da nettegiament ch'è vegnì attribuì a Vus. Las incumbensas multifaras e variadas cumpiglian tranter auter er il servetsch d'enviern e l'administraziun dal magasin da nettegiament intern.

Voss profil: Vus avais terminà ina scolaziun en tecnica (da chasa) ed avais experientscha professiunala da plirs onns sco pedella u pedel e da preferenza in certificat professiunal federal sco pedella u pedel. Vus essas disada u disà da lavurar en moda independenta, effizienta e fidada s'orientond al team ed avais il plaschair ed il dun d'ir enturn cun differentas gruppas en mira. Vus essas er abla u abel da supportar squitsch e pronta u pront da prestar servetsch da saira u da fins d'emna en cas d'occurrenzas extraordinarias. Nus premettain enconuschientschas da basa dal computer ed il permiss da manischar da la categoria B. Vus n'avais betg mo ina demananza segira, servetschaivla e cultivada, mabain er ina buna expressiun a bucca ed en scrit en tudestg.

Grad d'occupaziun: 80–100 %

Cumenzament da la lavur1. da fanadur 2021 u tenor cunvegna

Lieu da lavurCuira

Termin d'annunzia: 18 da zercladur 2021

Persuna da contactDaniel Crespo, telefon 081 257 36 48, Daniel.Crespo@hba.gr.ch u Aluis Caviezel, telefon 081 257 36 50, Aluis.Caviezel@hba.gr.ch

Nus ans legrain da Vossa annunzia electronica cumpletta.