Uffizi da cultura / Servetsch archeologic

Loëstrasse 26

7001 Cuira

Voss champ d'incumbensas: Sco manadra u manader d'archivs/bancas da datas/SIG essas Vus responsabla u responsabel per administrar ed archivar en moda moderna las documentaziuns ed ils inventaris archeologics dal Servetsch archeologic dal Grischun (SAG) e per manar la biblioteca da la partiziun. Observond standards scientifics e da la tgira da monuments sviluppais Vus permanentamain vinavant il sectur, quai cun la finamira da tegnair en salv las infurmaziuns e da las metter a disposiziun per ademplir las incumbensas legalas sco er per intents da la perscrutaziun e da l'intermediaziun. Ultra da la direcziun operativa dal sectur pertutgant la professiun ed il persunal, garantis Vus ch'ils sistems da bancas da datas funcziunian e che la qualitad da las datas saja dada e sviluppais vinavant ils sistems. In'attenziun speziala dais Vus a la colliaziun da las datas cun il sistem d'infurmaziun geografica. Cun projects da digitalisaziun As stentais Vus da transferir en moda uschè cumpletta sco pussaivel ils archivs analogs en ils sistems da bancas da datas electronics. Plinavant elavurais Vus concepts e prescripziuns per registrar, per evaluar e per archivar en bancas da datas las exchavaziuns e gidais las collavuraturas ed ils collavuraturs sco er las partenarias ed ils partenaris da projects a realisar talas. En il barat cun auters posts spezialisads archeologics e sco delegada u delegà dal SAG en la ARGE SPATZIMDAS empruvais Vus da metter a disposiziun applicaziuns omogenas e surordinadas adattadas per las datas archeologicas. Vus rapportais en l'intern sco er en occurrenzas spezialas ed en publicaziuns davart l'activitad da Voss sectur. Tut tenor Vossa qualificaziun surpigliais Vus incumbensas accessoricas en il sectur dad IT.

Voss profil: Vus possedais in diplom universitar (master) da preferenza en ils secturs archeologia, scienza d'infurmaziun u geomatica e Vus avais in'experientscha professiunala da plirs onns en ils secturs archeologia, archiv, biblioteca u en ina branscha sumeglianta. Vus avais enconuschientschas da la documentaziun archeologica u la prontezza d'As acquistar talas. Durant Vossa carriera vertenta avais Vus gia pudì As acquistar ina savida profunda dal sectur spezial dad IT sco er fitg bunas enconuschientschas da l'applicaziun da bancas da datas ed en il cas ideal er da sistems da SIG. Dumagnar cun rutina structuras da datas cumplexas e gronds effectivs da datas n'As fa naginas difficultads. Er ils princips da l'archivaziun analoga e digitala n'As èn betg nunenconuschents. Ultra d'in pensar structurà avais Vus la cumpetenza da manar glieud ed abilitads planisatoricas. Questas cumpetenzas fundamentalas cumplettais Vus cun ina gronda forza da persvader, cun plaschair d'engaschament e cun ina gronda conscienza per la qualitad. Ultra da quai communitgais Vus tenor las pretensiuns da la gruppa en mira ed avais plaschair da partir Vossa savida.

Grad d'occupaziun: 80–100%

Cumenzament da la lavur: 1. da matg 2021

Lieu da lavur: Cuira

Termin d'annunzia: 7 da favrer 2021

Persuna da contact: Thomas Reitmaier, telefon 081 257 48 60, Thomas.Reitmaier@adg.gr.ch