L'administraziun chantunala – ina patruna moderna per collavuraturas motivadas e collavuraturs motivads sco Vus.
architecta u architect dad ICT (80–100 %)

Uffizi d'informatica

Rosenweg 4

7001 Cuira

Voss champ d'incumbensas: L'Uffizi d'informatica è il post central dals servetschs d'informatica per l'administraziun chantunala. La partiziun Gestiun da l'informatica è responsabla per ils temas architectura dad IT, segirezza d'infurmaziun e governance dad IT sco er per la planisaziun strategica da l'informatica da l'administraziun chantunala. La plazza cumpiglia in champ d'incumbensas multifar en ils conturns da l'administraziun publica che daventan pli e pli digitals. Vus planisais, construis e tgirais architecturas dad ICT. En quest connex sustegnais Vus ils posts da servetsch ed ils furniturs da servetschs dad IT interns en dumondas d'architectura e controllais la confurmitad da l'architectura da novs projects. L'integraziun cuntinuanta da products da software en la cuntrada da sistems eterogens è ina part centrala da Vossa incumbensa. Plinavant coordinais Vus process existents sco il management da pretensiuns e da tecnologia ed amplifitgais vinavant las structuras en il sectur da l'architectura dad ICT.


Voss profilVus avais terminà ina scolaziun superiura en il sectur dad IT (scola auta spezialisada, universitad u scolaziun equivalenta) ed avais en il cas ideal experientscha professiunala da plirs onns en ina funcziun tecnica u concepziunala dad IT. Vossa chapientscha per process da gestiun e per l'infrastructura dad IT As permetta dad esser – en il rom da projects d'architectura – la persuna da contact tranter la tecnica e las pretensiuns da la fatschenta. Vus avais l'abilitad d'As perfecziunar en moda independenta en il sectur da l'architectura dad ICT ed essas averta u avert per incumbensas dals ulteriurs secturs tematics da la Gestiun da l'informatica. Per ademplir questa incumbensa da responsabladad n'avais Vus betg mo in pensar cumbinatoric, mabain er blera independenza, atgna iniziativa e conscienza per qualitad. Abilitads concepziunalas exprimidas e cumpetenza metodologica cumpletteschan Voss profil. Vus savais intermediar fatgs cumplexs ad in public pretensius da maniera segira e tenor las pretensiuns da la gruppa en mira (enconuschientschas segiras dal tudestg per manar tractativas a bucca ed en scrit).

Grad d'occupaziun: 80–100 %

Cumenzament da la lavur1. da zercladur 2021 u tenor cunvegna

Lieu da lavurCuira

Termin d'annunzia25 da schaner 2021

Persuna da contactPeter Flütsch, telefon 081 257 31 64, Peter.Fluetsch@afi.gr.ch


Nus ans legrain da Vossa annunzia electronica cumpletta.