L'administraziun chantunala – ina patruna moderna per collavuraturas motivadas e collavuraturs motivads sco Vus.
referendaria u referendari per sanaziuns d'auas e per giudicaments da projects (80–100 %)

Uffizi per la natira e l'ambient

Ringstrasse 10

7000 Cuira

Voss champ d'incumbensasSco referendaria u referendari per sanaziuns d'auas e per giudicaments da projects coordinais Vus projects per impedir midadas da la deflussiun da l'aua, per eliminar deficits en il transport da material tras l'aua e per revitalisar auas, e quai cun accumpagnar planisaziuns, cun collavurar tar proceduras e cun controllar rendaquints da pajaments d'indemnisaziun u da contribuziuns da projects. Vus preparais las decisiuns correspundentas da la Regenza. Ultra da quai giuditgais Vus, sch'ils projects da planisaziun e da construcziun (incl. projects suttamess a l'obligaziun da far in'examinaziun ecologica) correspundan al dretg d'ambient (LPAmb, LPAuas, LPNP), e redigis latiers posiziuns generalas coordinadas en il champ d'incumbensas da l'uffizi.


Voss profilVus avais terminà ina scolaziun universitara en scienzas natiralas u en scienzas d'inschigneria u pudais cumprovar qualificaziuns cumparegliablas. Ultra da quai avais Vus intgins onns experientscha professiunala, da preferenza en inschigneria u en tecnica d'ambient. Sco persunalitad iniziativa As distinguis Vus tras ina gronda cumpetenza professiunala, tras in pensar cumplessiv sco er tras l'abilitad da prender decisiuns e tras forza da persvader. Premess vegni che Vus sappias perfetgamain tudestg a bucca ed en scrit per pudair ademplir las incumbensas attribuidas. Enconuschientschas d'ina segunda lingua chantunala (rumantsch u talian) èn d'avantatg.

Grad d'occupaziun: 80–100 %

Cumenzament da la lavur: 1. da zercladur 2021

Lieu da lavurCuira

Termin d'annunzia: 30 da schaner 2021

Persuna da contact: Thomas von Wyl, telefon 081 257 29 50, Thomas.vonWyl@anu.gr.ch u Daniel Güttinger, telefon 081 257 29 54, Daniel.Guettinger@anu.gr.ch

Nus ans legrain da Vossa annunzia electronica cumpletta.