L'administraziun chantunala – ina patruna moderna per collavuraturas motivadas e collavuraturs motivads sco Vus.
collavuratura giuridica u collavuratur giuridic (40–50 %)

Uffizi per la scola populara ed il sport

Quaderstrasse 17

7000 Cuira

Voss champ d'incumbensas:Sco collavuratura u collavuratur dal stab da l'Uffizi per la scola populara ed il sport elavurais Vus independentamain projects legislativs e sustegnais l'uffizi en tut las dumondas giuridicas. Tenor las directivas da l'uffizi tschertgais Vus – en cas d'incumbensas surordinadas – il contact cun ils ulteriurs uffizis da furmaziun, cun il servetsch giuridic e cun il secretariat dal Departament d'educaziun, cultura e protecziun da l'ambient (DECA). Vus faschais part da la planisaziun e da la direcziun da projects sco er da la coordinaziun giuridica interna ed externa d'incumbensas che pertutgan l'uffizi. En quest connex elavurais Vus relaschs, disposiziuns dal departament, conclus da la Regenza, documents da consultaziun e missivas. Plinavant sustegnais Vus la direcziun da l'uffizi en cas d'incumbensas da stab generalas e specificas e gidais a sviluppar respostas sin dumondas sco er incumbensas dal departament

Voss profil:Questa activitad variada e pretensiusa pretenda in studi universitar da giurisprudenza terminà. Experientscha en il sectur da la lavur administrativa è d'avantatg. Vus enconuschais sche pussaivel il dretg administrativ dal chantun Grischun u As acquistais questa savida al cumenzament da Vossa activitad tenor basegn. Vus avais in grond interess per las relaziuns politicas e socialas da noss chantun. Vus essas ina persunalitad motivada che sa lavurar en in team, ch'è abla da supportar squitsch e ch'è disada da lavurar independentamain ed en moda orientada a la soluziun, er sche Vus survegnis incumbensas difficilas. In bun dun receptiv, in pensar analitic, in'expressiun irreproschabla en scrit ed a bucca en tudestg sco er ina communicaziun interna ed externa plain confidenza cumpletteschan Voss profil. Enconuschientschas d'ina ulteriura lingua chantunala èn giavischadas ed èn d'avantatg.

Grad d'occupaziun:40–50 %

Cumenzament da la lavur:1. da mars 2021

Lieu da lavur:Cuira

Termin d'annunzia:31 da schaner 2021

Persuna da contact:Chantal Marti, telefon 081 257 27 50, Chantal.Marti@avs.gr.ch

Nus ans legrain da Vossa annunzia electronica cumpletta.