Uffizi da chatscha e pestga

Ringstrasse 10

7001 Cuira

Voss champ d'incumbensas: L'elavuraziun dals differents dossiers en il sectur dal management dals animals da rapina gronds stat en il center da Vossa activitad. Vus As occupais da la planisaziun e dal svilup da concepts en connex cun il return da lufs, d'urs e da lufs-tscherver, incl. realisaziun, monitoring e rapportaziun. Ina rolla impurtanta gioga en quest connex la collavuraziun specifica cun auters uffizis chantunals sco er cun organisaziuns per la protecziun da la natira e cun ulteriuras represchentanzas d'interess.

Sco collavuratura academica u collavuratur academic essas Vus plinavant responsabla u responsabel per giuditgar e per accumpagnar projects da construcziun e da planisaziun en il context dal dretg da chatscha e da pestga. En quest connex collavurais Vus stretgamain cun la surveglianza da pestga e da chatscha.

Voss profil: Vus disponis d'ina scolaziun en scienzas natiralas ad ina scola auta spezialisada u ad in'universitad ubain d'ina scolaziun professiunala pratica cun ina furmaziun supplementara correspundenta. Vus avais enconuschientschas specificas fundadas en ecologia dals animals selvadis ed en management dals animals selvadis. Giavischada vegn er experientscha pratica en ils champs menziunads. Ina buna expressiun en scrit ed a bucca per tudestg vegn premessa; enconuschientschas dal talian èn giavischadas. Per finir As qualifitgais Vus tras Vossa capacitad d'emprender, tras Voss dun da communitgar, da contractar e da preschentar sco er tras Vossa moda da lavurar conscienziusa, flexibla ed independenta. Ina buna chapientscha per structuras da proceduras da la planisaziun dal territori è d'avantatg.

Grad d'occupaziun: 60–80 %

Cumenzament da la lavur: 1. da zercladur 2021

Lieu da lavur: Grischun dal nord

Termin d'annunzia: 29 da schaner 2021

Persuna da contact: Adrian Arquint, telefon 081 257 38 91, Adrian.Arquint@ajf.gr.ch