L'administraziun chantunala – ina patruna moderna per collavuraturas motivadas e collavuraturs motivads sco Vus.
experta u expert da contabilitad / revisura interna u revisur intern (80–100 %)

Controlla da finanzas

Steinbruchstrasse 18

7001 Cuira

Voss champ d'incumbensas: La Controlla da finanzas è l'organ spezialisà suprem da la surveglianza da finanzas. Ella sustegna il Cussegl grond en sia incumbensa constituziunala da survegliar las finanzas e la Regenza en la surveglianza da las finanzas da l'administraziun. Tar las incumbensas principalas tutgan l'examinaziun dal quint annual dal chantun sco er da las finanzas dals posts da servetsch chantunals. En quest connex verifitgais Vus l'existenza e l'efficacitad dal sistem da controlla intern per process da gestiun e per projects relevants. L'examinaziun da la rentabilitad e da la legitimitad tutga medemamain tar Vossas incumbensas. In'extensiun da questas activitads en direcziun d'analisas da datas è pussaivla. Las lavurs vegnan fatgas tenor standards renconuschids (PS ed IIA) e tenor directivas dal dretg administrativ e da l'economia da manaschi. Vus avais la cunresponsabladad per in giudicament professiunal e qualifitgà da la verificaziun, e cun ils rapports generais Vus plivalurs sco er segirezza per ils posts verifitgads e per las instanzas politicas. Tar il champ d'incumbensas tutga ultra da quai la collavuraziun consultativa en cumissiuns ed en gruppas da lavur.

Voss profil: Vus avais terminà ina scolaziun en contabilitad u en economia da manaschi en ina scola auta spezialisada / universitad ed avais experientscha da revisiun. D'avantatg èn in diplom d'experta u d'expert da contabilitad, da CIA u ina scolaziun equivalenta, ubain che Vus vulais acquistar in tal diplom cumplementarmain a la professiun. L'activitad fitg variada pretenda in bun dun receptiv per connexs cumplexs ed ina gronda independenza ed atgna iniziativa. Vus cuntanschais Vossa finamira cun As concentrar sin l'essenzial ed essas adina pronta u pront da resguardar novs aspects e da vulair schliar novs problems. En discurs stgaffis Vus in clima da stima e da respect e pudais represchentar ed argumentar Voss puntgs da vista. Per las analisas avais Vus in proceder logic e sistematic. Vus percurschais svelt connexs interdisciplinars e las dumondas che resultan da quai. Per rediger rapports pretensius èsi necessari d'avair ina fitg buna expressiun en scrit en tudestg. Vus essas ina persunalitad ch'è orientada al team e che ha in pensar interdisciplinar. Experientschas praticas en l'analisa da datas èn bainvegnidas. Sche nus avain sveglià Voss interess, lura ans legrain nus da Vossa annunzia online.

Grad d'occupaziun: 80–100 %

Cumenzament da la lavur:1. da settember 2021

Lieu da lavur: Cuira

Termin d'annunzia: 8 da favrer 2021

Persuna da contact: Martin Blumenthal, telefon 081 257 32 95, Martin.Blumenthal@fiko.gr.ch


Nus ans legrain da Vossa annunzia electronica cumpletta.