Uffizi da construcziun bassa, district 2 Mesauc

Stradòn 117

6563 Mesauc

Voss champ d'incumbensas: Sco manadra u manader dal manaschi essas Vus la persuna responsabla per planisar e per realisar il mantegniment funcziunal da las vias chantunalas sco er per il mantegniment funcziunal ed architectonic ordinari da la via naziunala en il district 2 Mesauc. En questa funcziun faschais Vus la planisaziun da lavur da las ca. 30 persunas che lavuran tar il mantegniment, dals vehichels e dals utensils. Per ademplir las incumbensas variadas e pretensiusas survegnis Vus il sustegn da quatter capolavurers, ch'èn suttamess directamain a Vus. Plinavant faschais Vus servetsch da pichet sco manadra u manader da l'acziun.

Voss profil: Vus avais in diplom sco poliera u polier ubain sco manadra u manader da construcziun cun experientscha professiunala da plirs onns en ils secturs construcziun da vias u mantegniment da vias. Questa activitad pretenda blera responsabladad e na premetta betg mo enconuschientschas tecnicas spezialisadas da la construcziun da vias e dal mantegniment da vias, mabain er in pensar tenor princips d'interpresa. Ultra da quai avais Vus experientscha da direcziun, forza da persvader, iniziativa e la prontezza da far servetsch da pichet. Ina buna expressiun a bucca ed en scrit sco er bunas enconuschientschas dal computer e dal talian vegnan premessas per questa plazza.

Grad d'occupaziun: 80–100 %

Cumenzament da la lavur: 1. d'avust 2021 u tenor cunvegna

Lieu da lavur: Mesauc

Termin d'annunzia: 28 da schaner 2021

Persuna da contact: Andrea Peduzzi, telefon 091 822 81 15, Andrea.Peduzzi@tba.gr.ch