L'administraziun chantunala – ina patruna moderna per collavuraturas motivadas e collavuraturs motivads sco Vus.
architecta u architect (80–100 %)

Uffizi da construcziun auta

Ringstrasse 10

7001 Cuira

Voss champ d'incumbensas: Sco manadra u manader da projects e sco represchentanta u represchentant dal patrun da construcziun avais Vus la responsabladad per la planisaziun, per la realisaziun e per la gestiun persistenta dal vast portfolio d'immobiglias dal chantun. Vus planisais e realisais edifizis novs, renovaziuns sco er reparaziuns resguardond aspects funcziunals, economics e concepziunals. Sco persuna da contact cumpetenta cussegliais Vus las utilisadras ed ils utilisaders dals edifizis. Vus cooperais er cur ch'i vegnan preparads e realisads studis e concurrenzas da planisaziun.

Voss profil: Vus avais terminà ina scolaziun sco architecta u architect ed avais in pèr onns experientscha professiunala en il management da projects sco er avais Vus – sco represchentanta u represchentant dal patrun da construcziun – enconuschientschas ed interess per il mantegniment d'edifizis. En moda cumpetenta ed activa manais Vus projects al success, e quai cun resguardar la qualitad, ils custs ed ils termins. Vus essas abla u abel da supportar squitsch, avais in pensar economic ed entretschà, essas engaschada u engaschà, lavurais en moda effizienta ed en atgna responsabladad ed As orientais al team sco er a la prestaziun da servetschs. Ina demananza segira, servetschaivla e cultivada As distingua gist uschia sco ina buna expressiun a bucca ed en scrit en tudestg. Segirezza en l'applicaziun da la tecnica d'infurmaziun sco er ina vasta furmaziun generala ed en il cas ideal enconuschientschas dal talian cumpletteschan Voss profil.

Grad d'occupaziun: 80–100 %

Cumenzament da la lavur: 1. da zercladur 2021

Lieu da lavur: Cuira

Termin d'annunzia: 24 da schaner 2021

Persuna da contact: Gion Darms, telefon 081 257 36 32, Gion.Darms@hba.gr.ch

Nus ans legrain da Vossa annunzia electronica cumpletta.