L'administraziun chantunala – ina patruna moderna per collavuraturas motivadas e collavuraturs motivads sco Vus.
lavurera sociala u lavurer social (80 %)

Uffizi dal servetsch social

Loëstr. 32

7001 Cuira

Voss champ d'incumbensasPersunas ch'èn vegnidas donnegiadas directamain en lur integritad corporala, psichica u sexuala en consequenza d'in malfatg sco er lur confamigliaras e confamigliars gida l'agid a victimas dal Grischun a dumagnar las consequenzas da malfatgs. Sco collavuratura u collavuratur dal Post da cussegliaziun per l'agid a victimas sustegnais Vus uffants, giuvenils e persunas creschidas ch'èn daventads victimas da violenza. Vossas incumbensas cumpiglian la cussegliaziun en dumondas giuridicas, il sustegn psicosocial da las persunas pertutgadas, l'accumpagnament en la procedura penala sco er l'intermediaziun d'agid tenor la Lescha davart l'agid a victimas. Voss dossiers elavurais Vus independentamain, survegnis dentant il sustegn d'in team motivà da sis collavuraturas e collavuraturs. Vus pudais far quint cun in champ da lavur multifar e pretensius.


Voss profil: Vus avais terminà ina scolaziun en lavur sociala u en ina disciplina d'ina tematica parentada (psicologia/dretg). Plinavant avais Vus experientscha cun cussegliaziuns cumplexas. Vus lavurais en moda independenta, essas abla u abel da supportar squitsch ed As distinguis tras in pensar ed in agir cumbinatoric. Vus appreziais ina collavuraziun interdisciplinara ed avais la motivaziun da collavurar en moda constructiva en in team. Ultra da quai avais Vus bunas enconuschientschas da l'applicaziun dal computer sco er bunas enconuschientschas dal tudestg, dal talian e/u d'ulteriuras linguas estras.


Grad d'occupaziun80 %

Cumenzament da la lavur1. da favrer 2021 u tenor cunvegna

Lieu da lavurCuira

Termin d'annunzia: 4 da december 2020

Persuna da contact: Bettina Melchior, telefon 081 257 31 53 u Mathias Kaufmann, telefon 081 257 26 68


Nus ans legrain da Vossa annunzia electronica cumpletta.