L'administraziun chantunala – ina patruna moderna per collavuraturas motivadas e collavuraturs motivads sco Vus.
tgirunza u tgirunz dipl. SSS (50–80 %)

Uffizi per l'execuziun giudiziala

Gäuggelistrasse 16

7001 Cuira

Voss champ d'incumbensas: Il Stabiliment giudizial Realta serva a l'execuziun averta dad umens tenor il Cudesch penal e tenor il Cudesch civil svizzer. En in team da trais persunas dal fatg tgirais e cussegliais Vus persunas collocadas, che derivan da differentas culturas, en dumondas da la sanadad, organisais mesiras da tgira e realisais quellas. En quest connex observais Vus las premissas da la legislaziun, da la tecnica da segirezza e dal manaschi. Vus faschais ils emprims scleriments en cas da dumondas medicinalas ed en cas urgents ed organisais las visitas tar la media u tar il medi sco er eventualas assegnaziuns a l'ospital. Vossas ulteriuras incumbensas cumpiglian er l'empustaziun, la controlla e la preparaziun da medicaments per la consegna. En quest connex preparais e realisais Vus il tractament cun prescripziun da heroin sco er tut ils auters tractaments cun substanzas da substituziun. Vus collavurais stretgamain cun las medias ed ils medis e cun tut ils posts interns. Ultra da quai prestais Vus servetschs da la fin d'emna.

Voss profil: Vus avais terminà ina scolaziun sco tgirunza u tgirunz SSS ed avais experientscha professiunala da blers onns. Il contact cun persunas da differentas culturas, che sa chattan en situaziuns da vita difficilas, vesais Vus sco sfida positiva. Sco persunalitad stabila ch'è abla da supportar squitsch e d'acceptar critica mantegnais Vus la survista er en situaziuns difficilas. Vossa cumpetenza sociala e Vossa abilitad da lavurar en in team mussais Vus mintga di en la collavuraziun interdisciplinara. Voss profil vegn cumplettà d'in bun stil d'As exprimer a bucca ed en scrit sco er d'enconuschientschas da l'informatica e da linguas estras. Ultra da quai avais Vus ina conduita irreproschabla, avais almain 30 onns ed essas flexibla u flexibel en quai che reguarda ils temps e las uras da lavur.

Grad d'occupaziun: 50–80 %

Cumenzament da la lavur: 1. da favrer 2021 u tenor cunvegna

Lieu da lavur: Cazas

Termin d'annunzia: 31 da schaner 2021

Persuna da contact: Brigitte Blumenthal, telefon 081 257 46 55 u Manuela Kassubek, telefon 081 257 52 61, Personal@ajv.gr.ch

Nus ans legrain da Vossa annunzia electronica cumpletta.