L'administraziun chantunala – ina patruna moderna per collavuraturas motivadas e collavuraturs motivads sco Vus.
spezialista u spezialist dad I+D per il Servetsch archeologic (40 %)

Uffizi da cultura / Servetsch archeologic

Loëstrasse 26

7001 Cuira

Voss champ d'incumbensas: Sco spezialista u spezialist dad I+D tgirais Vus en in team ils archivs dal Servetsch archeologic dal Grischun. Vus procurais per l'archivaziun moderna e cumpletta da las documentaziuns archeologicas en furma analoga e digitala e sustegnais il manader da sectur a sviluppar vinavant ed a garantir la qualitad dals sistems d'archiv e da bancas da datas. Vus transferis ils archivs analogs existents en bancas da datas, manais projects da digitalisaziun ensemen cun partenaris interns u cun furniturs da servetschs externs ed organisais l'endataziun correcta da las metadatas resp. endatais er sez questas datas. Supplementarmain integrais Vus datas da differentas funtaunas en las applicaziuns spezialisadas e garantis per la qualitad da las endataziuns («data curation»).

Voss profil: Vus avais in diplom d'ina scola auta spezialisada en il sectur da l'infurmaziun e documentaziun u avais terminà ina scolaziun equivalenta. En il cas ideal avais Vus enconuschientschas da l'archeologia. Durant Vossa carriera da fin ussa avais Vus gia pudì far experientschas cun l'archivaziun digitala ed analoga ed avais vastas enconuschientschas sin il champ da las bancas da datas, dals standards usitads da las metadatas e dals princips da l'archivaziun digitala da lunga durada. Ina buna communicaziun a bucca ed en scrit per tudestg vegn premessa. Enconuschientschas d'ulteriuras linguas chantunalas èn giavischadas. Ultra da quai essas Vus disada u disà da lavurar cun quità ed ed en moda independenta ed As legrais d'in team motivà.

Grad d'occupaziun: 40 %

Cumenzament da la lavur: 1. d'avrigl 2021 u tenor cunvegna

Lieu da lavur: Cuira

Termin d'annunzia: 11 da december 2020

Persuna da contact: Philipp Wiemann, telefon 081 257 48 65, Philipp.Wiemann@adg.gr.ch

Nus ans legrain da Vossa annunzia electronica cumpletta.