L'administraziun chantunala – ina patruna moderna per collavuraturas motivadas e collavuraturs motivads sco Vus.
collavuratura commerziala u collavuratur commerziala per la contabilitad da taglia (50 %)

Administraziun da taglia

Steinbruchstrasse 18

7001 Cuira

Voss champ d'incumbensas: Vus elavurais pajaments manuals ed electronics da posta e da banca e procurais tranter auter ch'ils mussaments da cudeschaziun e da coordinaziun vegnian registrads a temp. Sco part d'in pitschen team che funcziuna bain suttastais Vus a la direcziun da la secziun Contabilitad da taglia e sustegnais quella en moda flexibla sin differents champs. Ultra da quai surpigliais Vus er autras lavurs administrativas che resultan entaifer la partiziun Contabilitad e dais infurmaziuns davart dumondas generalas da la contabilitad, che vegnan tschentadas da collegas da lavur sco er da vischnancas e da terzas persunas.

Voss profil: Vus avais terminà ina scolaziun commerziala ed avais experientscha professiunala da plirs onns, da preferenza en la contabilitad ed en l'administraziun. Vus essas ina persunalitad fidada cun interess per prestaziuns da servetsch, savais lavurar en moda independenta ed avais ina gronda conscienza per la qualitad. Nus premettain ina moda da lavurar exacta, gronda flexibilitad, in dun per cifras e bunas enconuschientschas dal computer.

Grad d'occupaziun: 50 %

Cumenzament da la lavur: 1. da mars 2021 u tenor cunvegna

Lieu da lavur: Cuira

Termin d'annunzia: 22 da schaner 2021

Persuna da contact: Remo Waldburger, telefon 081 257 34 81

Nus ans legrain da Vossa annunzia electronica cumpletta.