L'administraziun chantunala – ina patruna moderna per collavuraturas motivadas e collavuraturs motivads sco Vus.
collavuratura u collavuratur per il Secretariat dal Cussegl grond (50–80 %)

Chanzlia chantunala

Reichsgasse 35

7001 Cuira

Voss champ d'incumbensasVoss champ d'incumbensas cumpiglia la direcziun e l'organisaziun dal secretariat sco er la liquidaziun da lavurs da secretariat generalas. Vus gidais il manader ed ils collavuraturs dal Secretariat dal Cussegl grond a preparar ed ad elavurar posteriuramain las sesidas da las cumissiuns sco er a preparar, a realisar ed ad elavurar posteriuramain las sessiuns dal Cussegl grond. Plinavant sustegnais Vus il presidi dal Cussegl grond sco er las deputadas ed ils deputads en connex cun dumondas generalas. Garantir il barat d'infurmaziuns cun la Chanzlia chantunala sco er cun ulteriurs posts involvids e cun ulteriuras persunas involvidas fa medemamain part da Vossas incumbensas. Ultra da quai tgirais Vus ils cuntegns da la pagina d'internet, administrais las bancas da datas dal Cussegl grond e cooperais tar l'organisaziun d'occurrenzas.

Voss profilVus avais terminà ina scolaziun commerziala u ina scolaziun equivalenta ed avais bunas enconuschientschas dal computer sco er enconuschientschas da Microsoft Office (en spezial Word ed Excel); d'avantatg è experientscha cun Management Web-Content sco er cun CMI Axioma. Ultra da quai avais Vus in'experientscha pratica dal sectur da secretariat, avais in dun organisatoric e fitg bunas enconuschientschas dal tudestg. Tenor pussaivladad avais Vus enconuschientschas dal rumantsch e/u dal talian.
Vus essas disada u disà da lavurar en moda independenta ed exacta. Vus essas pronta u pront d'emprender chaussas novas ed avais ina gronda prontezza da prestar servetschs.
Tschertgada vegn ina persunalitad averta, flexibla ed abla da lavurar en in team ch'è abla da supportar squitsch e che ha interess per politica.
Avertadad e cumpetenza sociala èn indispensablas per il contact cun il Cussegl grond e cun l'administraziun e cumpletteschan Voss profil.

Grad d'occupaziun: 50–80 %

Cumenzament da la lavur: immediatamain u tenor cunvegna

Lieu da lavur: Cuira

Termin d'annunzia: 4 da december 2020

Persuna da contact: Patrick Barandun, telefon 081 257 22 32

Las annunzias ston vegnir inoltradas exclusivamain online.

Nus ans legrain da Vossa annunzia electronica cumpletta.