L'administraziun chantunala – ina patruna moderna per collavuraturas motivadas e collavuraturs motivads sco Vus.
collavuratura commerziala u collavuratur commerzial per la hotline contabilitad (80 – 100 %)

Administraziun da taglia

Steinbruchstrasse 18

7001 Cuira

Voss champ d'incumbensas: Vus garantis tranter auter che la hotline da telefon da la partiziun Contabilitad funcziunia senza incaps ed essas uschia l'emprima persuna da contact per dumondas da pajataglias en connex cun la facturaziun, en connex cun las modalitads da pajament u en connex cun las acziuns d'incasso currentas. Ensemen cun las referendarias ed ils referendaris da la Contabilitad procurais Vus che dumondas vegnian respundidas e scleridas svelt ed en moda chapaivla. Sco part d'in team che funcziuna bain suttastais Vus a la direcziun da la secziun Incassament da taglia e sustegnais quella en moda flexibla sin differents champs administrativs.

Voss profil: Vus avais terminà ina scolaziun commerziala ed avais experientscha professiunala da plirs onns, da preferenza gia en in'activitad sumeglianta ed en il sectur d'incassament. Vus essas ina persunalitad che sa supportar squitsch, ch'è iniziativa e fidada e che ha interess per prestaziuns da servetsch, savais lavurar en moda independenta ed avais plaschair dal contact cun clientas e clients. Enconuschientschas activas d'ina segunda lingua uffiziala ultra dal tudestg, d'avantatg dal talian, vegnan premessas. Ina moda da lavurar exacta e flexibla ed oravant tut in dun da communitgar sa chapeschan per Vus da sez.

Grad d'occupaziun: 80 – 100 %

Cumenzament da la lavur: 1. da favrer 2021 u tenor cunvegna

Lieu da lavur: Cuira

Termin d'annunzia: 18 da december 2020

Persuna da contact: Tobias Lori, telefon 081 257 34 82

Nus ans legrain da Vossa annunzia electronica cumpletta.