L'administraziun chantunala – ina patruna moderna per collavuraturas motivadas e collavuraturs motivads sco Vus.
manadra u manader da project ICT (80 - 100 %)

Polizia chantunala

Ringstrasse 2

7000 Cuira

Voss champ d'incumbensas: La ICT da la Polizia chantunala dal Grischun è responsabla per il manaschi e per l'ulteriur svilup da sistems e d'applicaziuns spezialas en ils conturns da las organisaziuns da segirezza. Sco commembra u commember d'in team motivà realisais Vus projects dad ICT. Spetgar As spetga ina vasta paletta da projects, saja quai la digitalisaziun da process, la renovaziun e l'amplificaziun d'applicaziuns spezialas existentas, però er temas dal sectur da las infrastructuras dad ICT.
Vossas incumbensas cumpiglian la revelaziun da las pretensiuns, l'elavuraziun da concepts da soluziun, la direcziun respectivamain la direcziun parziala da projects e la garanzia da la furniziun da las prestaziuns en ils projects. Durant ils projects accumpagnais Vus las submissiuns e garantis ch'i vegnian fatgs contracts sco er documentaziuns da manaschi, da segirezza e da scolaziun.
Plinavant manais Vus il portfolio da project, elavurais roadmaps e concepis ils preventivs respectivs. Medemamain tgirais Vus il process dals projects e sviluppais vinavant quel activamain.

Voss profil: Questa activitad multifara pretenda ina persunalitad independenta che ha experientscha, ch'è orientada a la clientella e che lavura gugent en in team che funcziuna bain. Vus essas en il cas da realisar plirs projects e pliras lavurs concepziunalas a medem temp en buna qualitad.
Vus avais experientscha da manar projects dad ICT, dal requirements engineering e dal sectur da la segirezza d'infurmaziun e da la protecziun da datas. Medemamain avais Vus experientscha pratica cun infrastructuras dad IT sin basa da Windows e da Linux sco er sin basa da bancas da datas dad Oracle ed dad MS SQL. En il cas ideal enconuschais Vus ils process spezials dals conturns da la polizia.
Sco basa avais Vus absolvì in emprendissadi d'informatica u ina scolaziun equivalenta cun furmaziun supplementara en il sectur da l'informatica economica respectivamain ina SSS d'informatica.

Grad d'occupaziun: 80 - 100 %

Cumenzament da la lavur: 1. da november 2020 u tenor cunvegna

Lieu da lavur: Cuira

Persuna da contact: Mathias Rubitschun, telefon 081 257 72 74, Mathias.Rubitschun@kapo.gr.ch

Nus ans legrain da Vossa annunzia electronica cumpletta.