L'administraziun chantunala – ina patruna moderna per collavuraturas motivadas e collavuraturs motivads sco Vus.
manadra u manader da la tegnida d'animals (80 - 100 %)

Uffizi per l'execuziun giudiziala

Gäuggelistrasse 16

7001 Cuira

Voss champ d'incumbensas: Il Stabiliment giudizial Realta serva a l'execuziun averta dad umens tenor il Cudesch penal e tenor il Cudesch civil svizzer. En la tegnida d'animals vegnan assistidas e promovidas fin a 12 persunas collocadas. Per quest intent ha il stabiliment giudizial Realta ina tegnida da portgs cun var 70 portgs da razza e cun var 210 plazzas d'engrasch, var 60 vatgas da latg, ils agens animals d'allevament e bundant 150 arments d'engrasch. Sco manadra u manader da la tegnida d'animals avais Vus la direcziun operativa dal manaschi. Ensemen cun quatter collavuraturas e collavuraturs procurais Vus per in'assistenza professiunala da las persunas collocadas. Ultra da quai essas Vus responsabla u responsabel che las directivas economicas e legalas vegnian observadas en la tegnida d'animals. Plinavant faschais Vus servetschs da fin d'emna e da pichet.

Voss profil: Vus avais terminà in emprendissadi da pura u pur AFQ u ina scolaziun equivalenta ed avais experientscha professiunala da plirs onns en il sectur da la tegnida d'animals. Questas incumbensas interessantas e da responsabladad pretendan experientscha da direcziun ed in dun organisatoric. Vus essas ina persunalitad psichicamain stabila sco er cooperativa, avais blera sensibilitad, ina gronda cumpetenza sociala, abilitads communicativas e forza da persvader. Il contact cun persunas da differentas culturas vesais Vus sco sfida positiva. Enconuschientschas dal computer, in permiss da manischar da la categoria B ed enconuschientschas da linguas estras cumpletteschan Voss profil. Ultra da quai avais Vus ina conduita irreproschabla ed essas pronta u pront d'absolver la scolaziun sco persuna spezialisada per l'execuziun giudiziala.

Grad d'occupaziun: 80 - 100%

Cumenzament da la lavur: tenor cunvegna

Lieu da lavur: Cazas

Termin d'annunzia: 25 d'october 2020

Persuna da contact: Simon Peter Luzi, telefon 081 257 46 90 u Manuela Kassubek, telefon 081 257 52 61, Personal@ajv.gr.ch

Nus ans legrain da Vossa annunzia electronica cumpletta.