L'administraziun chantunala – ina patruna moderna per collavuraturas motivadas e collavuraturs motivads sco Vus.
manadra u manader da construcziun per Glion (80 - 100 %)

Uffizi da construcziun bassa, district 6 Glion

Via Crappa Grossa 14

7130 Glion

Voss champ d'incumbensas: Sco manadra u manader da construcziun en il district 6 a Glion essas Vus responsabla u responsabel per manar e per controllar ils plazzals attribuids a Vus. Sco represchentanta u represchentant dal patrun da construcziun garantis Vus al lieu la qualitad pretendida, la dimensiun e la realisaziun da l'entira lavur da contract. Vus faschais budgets, elavurais documents da submissiun e rendaquints e survegliais il preventiv dal champ d'incumbensas. Plinavant liquidais Vus incumbensas tecnicas en il mantegniment da las vias e faschais – sco maina-acziun – servetsch da pichet.

Voss profil: Vus avais terminà ina scolaziun en la branscha da construcziun ed ina furmaziun supplementara sco manadra u manader da construcziun u essas pronta u pront da far ina furmaziun supplementara en chaussa. Per questa funcziun da responsabladad avais Vus experientscha professiunala da plirs onns en la construcziun da vias ed en la construcziun bassa. Ultra da quai enconuschais Vus ils fatgs da devisaziun ed essas ina persunalitad cun forza da persvader sco er cun dun d'organisar e da contractar. Vus lavurais gugent en il team ed essas pronta u pront da far servetsch da pichet. Enconuschientschas dal rumantsch e/u dal talian èn giavischadas e cumpletteschan Voss profil.

Grad d'occupaziun: 80 - 100 %

Cumenzament da la lavur: 1. da mars 2021 u tenor cunvegna

Lieu da lavur: Glion

Termin d'annunzia: 23 d'october 2020

Persuna da contact: Eugen Duff, telefon 081 257 68 80, Eugen.Duff@tba.gr.ch

Nus ans legrain da Vossa annunzia electronica cumpletta.