L'administraziun chantunala – ina patruna moderna per collavuraturas motivadas e collavuraturs motivads sco Vus.
commembra u commember da l'Autoritad per la protecziun d'uffants e da creschids (APUC) Grischun dal nord (80 - 90 %)

Autoritad per la protecziun d'uffants e da creschids (APUC) Grischun dal Nord

Gäuggelistrasse 1

7000 Cuira

Voss champ d'incumbensas: Sco commembra u commember dal collegi giuditgant interdisciplinar da la APUC dal Grischun dal Nord decidais Vus davart la disposiziun e l'adattaziun da mesiras da la protecziun d'uffants e da creschids. Sco commembra u commember directiv da procedura e sco spezialista u spezialist directamain cumpetent essas Vus responsabla u responsabel per scleriments e per ulteriuras incumbensas da la APUC en il rom da l'incumbensa legala. Vus procurais che las proceduras vegnian elavuradas independentamain ed a temp util. Vossa incumbensa ademplis Vus en stretga collavuraziun cun las autras commembras ed ils auters commembers da l'autoritad e cun ils servetschs da sustegn, dentant er en cooperaziun cun las curatellas professiunalas, cun autras APUC e cun ulteriuras organisaziuns partenarias.

Voss profil: Vus disponis d'in diplom d'ina scola auta universitara en il sectur da giurisprudenza ed avais experientscha professiunala en la lavur sociala legala, da preferenza en il sectur da la protecziun d'uffants e da creschids tar ina APUC. Vus avais ina demananza persvadenta e la capacitad d'As far valair e n'avais nagins problems da prender decisiuns. Vossa sauna experientscha da vita As gida da vegnir a frida cun situaziuns difficilas e cumplexas en la vita d'auters umans. Vus essas motivada u motivà e vesais quai sco sfida da prestar Vossa lavur en conturns ch'èn fitg differents. Sco persuna spezialisada communicativa ed orientada al team avais Vus grondas cumpetenzas socialas, ma er ina fitg buna expressiun linguistica (a bucca ed en scrit). Ina demananza segira tutga tar Vossas fermezzas. Vus essas pronta u pront da far servetsch da pichet e possedais in permiss da manischar da la categoria B.

Grad d'occupaziun: 80 - 90 %

Cumenzament da la lavur: 1. da schaner 2021 u tenor cunvegna

Lieu da lavur: Cuira

Termin d'annunzia: 23 d'october 2020

Persuna da contact: Matthias Tscharner, Autoritad per la protecziun d'uffants e da creschids APUC Grischun dal Nord, telefon 081 257 49 70, Matthias.Tscharner@kesb.gr.ch


Nus ans legrain da Vossa annunzia electronica cumpletta.