L'administraziun chantunala – ina patruna moderna per collavuraturas motivadas e collavuraturs motivads sco Vus.
spezialista u spezialist da sistems ICT per applicaziuns spezialas (80 - 100 %)

Polizia chantunala

Ringstrasse 2

7000 Cuira

Voss champ d'incumbensas: La ICT da la Polizia chantunala dal Grischun è responsabla per il manaschi da sistems e d'applicaziuns spezialas en ils conturns da las organisaziuns da segirezza. Sco commembra u commember d'in team motivà gidais Vus a metter a disposiziun las applicaziuns spezialas centralas.

Tar Vossas incumbensas tutgan la gestiun sco er l'amplificaziun da las applicaziuns spezialas per elavurar ils andaments da la polizia, las bancas da datas respectivas ed ils sistems circumdants. Per quests sistems faschais Vus il support dal segund nivel per las persunas responsablas per las applicaziuns sco er per il service-desk. Vus tgirais er la documentaziun da manaschi e da sistem.

Plinavant elavurais Vus soluziuns, e quai dal concept fin a l'implementaziun. Projects pli pitschens da Voss champ d'incumbensas elavurais Vus independentamain, en projects gronds essas Vus ina part d'in team.

Voss profil: Per questa activitad multifara vegn premessa ina persunalitad independenta e fidada che lavura gugent en in team che funcziuna bain. Er sut squitsch da temp essas Vus abla u abel da liquidar las incumbensas en moda structurada ed exacta.

Vus avais experientscha en ils secturs dal manaschi d'applicaziuns specificas, da bancas da datas Oracle e Microsoft SQL, da sistems operativs da Windows e da Linux.

Sco basa disponis Vus d'in emprendissadi d'informatica terminà u d'in auter emprendissadi terminà cun ina furmaziun supplementara approfundada sin il champ d'incumbensas. En il cas ideal avais Vus absolvì ina furmaziun supplementara d'informatica SSS.

Vus essas pronta u pront da far periodicamain servetsch da pichet.

Grad d'occupaziun: 80 - 100 %

Cumenzament da la lavur: tenor cunvegna

Lieu da lavur: Cuira

Persuna da contact: Manuel Sonder, telefon 081 257 74 17, Manuel.Sonder@kapo.gr.ch

Nus ans legrain da Vossa annunzia electronica cumpletta.