L'administraziun chantunala – ina patruna moderna per collavuraturas motivadas e collavuraturs motivads sco Vus.
manadra u manader da la partiziun Mesiras agriculas (80 - 100 %)

Uffizi d'agricultura e da geoinfurmaziun

Ringstrasse 10

7001 Cuira

Voss champ d'incumbensas: Tar l'Uffizi d'agricultura e da geoinfurmaziun manais Vus la partiziun Mesiras agriculas cun 15 collavuraturas e collavuraturs areguard il persunal, las finanzas, la tecnica-professiunala e l'organisaziun ed essas commembra u commember da la direcziun da l'uffizi. Vus avais la responsabladad che la politica federala agrara vegnia realisada en noss chantun confurm a la lescha, en moda economica ed a temp. Latiers tutga en spezial la realisaziun dals pajaments directs, da la protecziun da las auas en l'agricultura, da la fittanza agricula e dal dretg funsil puril. Plinavant As participais Vus en moda activa a l'ulteriur svilup da la politica chantunala d'agricultura e da promoziun. Vus represchentais il chantun en gremis spezialisads ed en projects sin plaun chantunal e naziunal.

Voss profil: Vus disponis d'in studi terminà sco MSc en scienza agrara SPF u d'ina scolaziun equivalenta ed avais in pèr onns experientscha en la professiun ed en la direcziun. Vus essas ina persuna directiva che ha iniziativa, ch'è abla da supportar squitsch, ch'è motivada e che ha enconuschientschas spezialisadas fundadas. Abilitads concepziunalas e communicativas exprimidas sco er ina gronda cumpetenza sociala cumpletteschan Voss profil. Ultra da fitg bunas enconuschientschas dal tudestg èn d'avantatg enconuschientschas d'ina segunda lingua chantunala.

Grad d'occupaziun: 80 - 100 %

Cumenzament da la lavur: 1. da fanadur 2021 u tenor cunvegna

Lieu da lavur: Cuira

Termin d'annunzia: 6 d'october 2020

Persuna da contact: Daniel Buschauer, telefon 081 257 24 31, Daniel.Buschauer@alg.gr.ch

Nus ans legrain da Vossa annunzia electronica cumpletta.