L'administraziun chantunala – ina patruna moderna per collavuraturas motivadas e collavuraturs motivads sco Vus.
manadra u manader da la partiziun Persunas natiralas (cumissariat da taglia)

Administraziun da taglia

Steinbruchstrasse 18

7001 Cuira

Voss champ d'incumbensas: Nus As purschain ina nova sfida en il dretg fiscal. Sco manadra u manader da la partiziun Persunas natiralas (cumissariat da taglia) pudais Vus cumbinar cumpetenza professiunala cun incumbensas directivas. Plinavant essas Vus commembra u commember da la direcziun. Vus essas responsabla u responsabel per la taxaziun da las taglias sin las entradas e sin la facultad da var 180 000 pajataglias.

Vus manais la partiziun Persunas natiralas cun var 60 collavuraturas e collavuraturs sco er – en reguard a la materia – las collavuraturas ed ils collavuraturs da las vischnancas che fan la taxaziun. Vus pudais lavurar en moda fitg independenta, ma savais il medem mument far quint cun in vast sustegn en in ambient professiunal.

Ultra da la taxaziun da las persunas natiralas essas Vus responsabla u responsabel per la determinaziun da la pratica, per la collavuraziun cun las vischnancas sco er per la scolaziun e per la furmaziun supplementara da Vossas collavuraturas e Voss collavuraturs. Vus essas involvida u involvì en projects legislativs e collavurais en gremis interchantunals.

Voss profil: Questas incumbensas multifaras pretendan ina persunalitad cun qualitads da manar, capacitad da sa far valair, forza da motivar ed in dun da contractar. Vus disponis d'ina scolaziun approfundada en il dretg fiscal (p.ex. experta fiscala u expert fiscal cun diplom federal, MAS SAS en Swiss and International Taxation ubain experta fiscala u expert fiscal CST) e d'experientscha da plirs onns en il dretg fiscal, saja quai en l'administraziun u en la cussegliaziun.

Grad d'occupaziun: 100 %

Cumenzament da la lavur: 1. da zercladur 2021 u tenor cunvegna

Lieu da lavur: Cuira

Termin d'annunzia: 9 d'october 2020

Persuna da contact: dr. iur. Toni Hess, telefon 081 257 33 26 toni.hess@stv.gr.ch 

Nus ans legrain da Vossa annunzia electronica cumpletta.