L'administraziun chantunala – ina patruna moderna per collavuraturas motivadas e collavuraturs motivads sco Vus.

collavuratura u collavuratur da pedagogia sociala per l'assistenza da requirentas e requirents d'asil sco er da persunas minorennas betg accumpagnadas (60 – 100 %)

Uffizi da migraziun e da dretg civil

Karlihof 4

7001 Cuira

Voss champ d'incumbensas: En il center da transit Landhaus a Tavau surpigliais Vus incumbensas da l'administraziun, da l'assistenza, da l'occupaziun sco er dal servetsch da chasa e da sanadad. Vossas incumbensas principalas èn il sustegn, l'accumpagnament e la promoziun da las requirentas e dals requirents d'asil minorens betg accumpagnads da dumagnar il mintgadi. En quest connex intermediais ed exercitais Vus bleras cumpetenzas da basa ch'èn indispensablas per l'independenza dals giuvenils pli tard. Vus chattais la fidanza dals giuvenils ed essas ina persuna da contact impurtanta per tut las situaziuns da vita. Vus sustegnais las autras collavuraturas ed ils auters collavuraturs sco er la direcziun dal center tar tut las lavurs che resultan en il center. Vus unis bleras abilitads en Vossa persuna: dal management da crisas fin al talent medicinal general. Plinavant appreziais Vus in manaschi animà cun umans da tut las classas da vegliadetgna e da differentas culturas. Vus essas pronta u pront d'organisar activitads ordaifer las uras da lavur usitadas.

Voss profil: Vus avais terminà ina scolaziun da basa en pedagogia sociala ubain ina scolaziun equivalenta ed avais passa 30 onns. Vus stimais ina moda da lavurar independenta cun umans da 14 fin 20 onns che derivan d'autras culturas. Vus als instruis en lur mintgadi, essas abla u abel da far ina punt tranter lur origin ed il mintgadi en Svizra ed als gidais cun pled e fatg. Vus lavurais gugent en moda independenta e flexibla ed avais ina buna expressiun a bucca ed en scrit sco er bunas enconuschientschas dal computer. Vossa flexibilitad e Vossa abilitad da lavurar en in team, Vossas enconuschientschas da linguas estras sco er il permiss da manischar autos da persunas cumpletteschan Voss profil.

Grad d'occupaziun: 60 - 100 %

Cumenzament da la lavur: 1. da schaner 2021 u tenor cunvegna

Lieu da lavur: Tavau Wolfgang

Termin d'annunzia: 2 d'october 2020

Persuna da contact: Edvin Demund, telefon 081 257 25 37, Edvin.Demund@afm.gr.ch, u Barbara Grazia, telefon 081 257 25 23, Barbara.Grazia@afm.gr.ch

Nus ans legrain da Vossa annunzia electronica cumpletta.