L'administraziun chantunala – ina patruna moderna per collavuraturas motivadas e collavuraturs motivads sco Vus.
vicechanceliera u vicechancelier (80 - 100 %)

Chanzlia chantunala

Reichsgasse 35

7001 Cuira

Voss champ d'incumbensas: Vus manais il sectur da stab Services da la Chanzlia chantunala. En questa funcziun tgirais Vus ils secturs Dretgs politics e publicaziuns incl. l'organisaziun da votaziuns e d'elecziuns sco er la garanzia da qualitad da la legislaziun chantunala ed il Post spezialisà per il princip da transparenza. Plinavant èn suttamess a Vus il Servetsch da translaziuns e la Centrala per stampats e material. Ultra da quai essas Vus responsabla u responsabel per l'elavuraziun da projects da lescha, da missivas, da consultaziuns e da rapports en il champ da cumpetenza da la Chanzlia chantunala. Vus elavurais dumondas giuridicas per incumbensa da la Regenza u dal chancelier. En Voss champ d'incumbensas manais u coordinais Vus projects tranter plirs departaments e cooperais en projects interdepartamentals. Sco commembra u commember da la direcziun survegliais Vus la budgetaziun, il rendaquint ed il sectur dal persunal da la Chanzlia chantunala. Vus essas la substituta u il substitut dal chancelier ed al represchentais en sias funcziuns.

Voss profil: Questa incumbensa pretensiusa e multifara pretenda ina persunalitad cun in studi universitar terminà, da preferenza cun ina patenta d'advocat. Vus avais experientscha professiunala da plirs onns en il champ giuridic, en il cas ideal en il dretg public ed administrativ. Vus essas ina persunalitad iniziativa e fidada cun interess per prestaziuns da servetsch, savais lavurar en moda independenta ed avais ina gronda responsabladad persunala. Vus avais plaschair da sustegnair en moda cumpetenta e nuncumplitgada las gruppas en mira internas ed externas. In dun organisatoric, abilitad da supportar squitsch, integritad sco er in'expressiun segira a bucca ed en scrit per tudestg cumpletteschan Voss profil. D'avantatg èn experientschas da direcziun sco er enconuschientschas da las linguas chantunalas e da las relaziuns politicas.

Grad d'occupaziun: 80 - 100 %

Cumenzament da la lavur: 1. da matg 2021

Lieu da lavur: Cuira

Termin d'annunzia: 16 d'october 2020

Persuna da contact: Daniel Spadin, telefon 081 257 22 21, Daniel.Spadin@staka.gr.ch


Nus ans legrain da Vossa annunzia electronica cumpletta.