L'administraziun chantunala – ina patruna moderna per collavuraturas motivadas e collavuraturs motivads sco Vus.
cussegliadra u cussegliader da professiun, da studi e da carriera per l'Engiadina/Grischun dal sid (40 - 60 %)

Uffizi per la furmaziun professiunala

Plazzet 16

7503 Samedan

Voss champ d'incumbensas: Vus cussegliais ed infurmais giuvenils e persunas creschidas en la regiun Engiadina/Grischun dal sid tar la tscherna da la professiun, dal studi e da la scola sco er tar la concepziun da la carriera professiunala. En quest connex gidais Vus las persunas che tschertgan cussegl da trair a niz las atgnas resursas sco er d'agir e da decider en atgna responsabladad. En cooperaziun cun las persunas d'instrucziun dal stgalim secundar I essas Vus plinavant responsabla u responsabel per preparar la tscherna da professiun. Ultra da quai organisais Vus occurrenzas d'infurmaziun per geniturs e per classas e collavurais en il Center d'infurmaziun professiunala (CIP). Vus tgirais contacts regulars cun scolas da cuntinuaziun, cun instituziuns da furmaziun e cun l'economia. Plinavant collavurais Vus en projects ed en gruppas da lavur internas.

Voss profil: Vus avais terminà ina scolaziun sco cussegliadra u cussegliader da professiun, da studi e da carriera ch'è renconuschida da la Confederaziun ubain essas londervi da terminar quella. Vus essas en cas da realisar cussegliaziuns d'auta qualitad, ed envers giuvenils e persunas creschidas, geniturs e persunas d'instrucziun As preschentais Vus en moda cumpetenta e simpatica. Enconuschientschas d'ina segunda (ed eventualmain er da la terza) lingua chantunala vegnan premessas per questa funcziun. Vus essas ina persuna spezialisada engaschada, orientada a soluziuns ed abla da supportar squitsch cun fitg bunas abilitads communicativas. Plinavant essas Vus ina persunalitad flexibla e bain organisada ed avais in bun pau atgna responsabladad.


Grad d'occupaziun: 40 - 60 %

Cumenzament da la lavur: 1. da schaner 2021 u tenor cunvegna

Lieu da lavur: Samedan cun engaschaments da lavur a Scuol

Termin d'annunzia: 1. d'october 2020

Persuna da contact: Andreas Zuber, manader dal team Cussegliaziun da la carriera, telefon 081 257 62 01, andreas.zuber@afb.gr.ch u Bruno Juhasz, manader da la partiziun Cussegliaziun da professiun, da studi e da carriera, telefon 081 257 27 05, bruno.juhasz@afb.gr.ch

Las annunzias ston vegnir inoltradas exclusivamain online.


Nus ans legrain da Vossa annunzia electronica cumpletta.