L'administraziun chantunala – ina patruna moderna per collavuraturas motivadas e collavuraturs motivads sco Vus.
inschignera forestala regiunala u inschigner forestal regiunal (80 - 100 %)

Uffizi da guaud e privels da la natira
Ringstrasse 10
7001 Cuira

Voss champ d'incumbensas: Sco inschignera forestala regiunala u inschigner forestal regiunal As occupais Vus da las vischnancas da Cunter en il Partenz, Fideris, Claustra-Serneus e Küblis sco er da lur selviculturs da revier e da lur autoritads. En quest connex exequis Vus la legislaziun forestala federala e chantunala e procurais che las funcziuns dal guaud vegnian ademplidas il meglier pussaivel. Sco spezialista u spezialist per il manaschi forestal sco er per il guaud e per la selvaschina manais Vus projects correspundents en la regiun e sustegnais ils manaders dal secturs Infurmaziun dal guaud ed Ecologia dal guaud tar la realisaziun da las strategias chantunalas.


Voss profil: Vus possedais in diplom d'inschignera forestala u inschigner forestal SAS u SPF u in diplom da master en scienzas natiralas da l'ambient. Da preferenza avais Vus ina savida fundada da temas dal manaschi forestal sco er bunas enconuschientschas da dumondas davart il guaud e davart la selvaschina. Vus lavurais cun iniziativa, en moda averta ed As orientond a soluziuns. Cun Vossas grondas cumpetenzas communicativas savais Vus As far valair, surpigliar responsabladad directiva ed esser ina pitga impurtanta en noss team motivà.


Grad d'occupaziun: 80 - 100 %

Cumenzament da la lavur: 1. da schaner 2021 u tenor cunvegna

Lieu da lavur: Landquart

Termin d'annunzia: 25 da settember 2020

Persuna da contact: Matthias Zubler, telefon 081 257 66 40, Matthias.Zubler@awn.gr.ch u Sabine Leisinger, telefon 081 257 38 54, Sabine.Leisinger@awn.gr.ch


Nus ans legrain da Vossa annunzia electronica cumpletta.