L'administraziun chantunala – ina patruna moderna per collavuraturas motivadas e collavuraturs motivads sco Vus.
referendaria u referendari per l'archiv e per la biblioteca (40 - 50 %)

Uffizi da cultura / Tgira da monuments dal Grischun

Loëstrasse 14

7001 Cuira

Voss champ d'incumbensas: Voss champ da cumpetenza cumpiglia la direcziun, l'administraziun e la modernisaziun da noss archiv ch'exista dapi la fundaziun da la Tgira da monuments dal Grischun l'onn 1960 e che cuntegna er collecziuns pli veglias che dateschan dal 19. tschientaner. In accent spezial è pia mess sin las dumondas digitalas che resultan en quest connex. Nus tegnain en salv plans, fotografias, dias ed actas dals projects assistids da la Tgira da monuments, plinavant relaschs e donaziuns, e mettain a disposiziun quest material en furma adequata. Vus sustegnais l'entir team en connex cun dumondas d'archiv e cun retschertgas e cooperais en projects surordinads, sco per exempel en la lavur da publicitad. Ultra da quai tgirais Vus nossa biblioteca spezialisada ch'exista medemamain dapi l'onn 1960 e ch'è affiliada a la Biblioteca chantunala dal Grischun. Nossa biblioteca spezialisada cumplettais Vus cuntinuadamain cun novas publicaziuns specificas.

Voss profil: La basa da Vossa activitad furma la scolaziun da spezialista u spezialist d'infurmaziun e da documentaziun. Enconuschientschas da l'architectura, da l'istorgia d'art e/u da l'istorgia èn bainvegnidas. Vus avais experientscha en l'administraziun d'archivs ed enconuschais las tecnicas las pli novas da l'archivaziun digitala. Premess vegni che Vus sappias fitg bain tudestg en scrit ed a bucca. Enconuschientschas da las autras linguas chantunalas uffizialas èn giavischadas. L'abilitad da lavurar en in team cumplettescha Voss profil.

Grad d'occupaziun: 40 - 50 %

Cumenzament da la lavur: 1. da december 2020

Lieu da lavur: Cuira

Termin d'annunzia: 25 da settember 2020

Persuna da contact: Simon Berger, telefon 081 257 27 91, Simon.Berger@dpg.gr.ch

Wir freuen uns auf Ihre vollständige online Bewerbung.