L'administraziun chantunala – ina patruna moderna per collavuraturas motivadas e collavuraturs motivads sco Vus.
giurista u giurist (80 - 100 %)

Servetschs dal departament DECA
Quaderstrasse 17
7001 Cuira

Voss champ d'incumbensas: Sco collavuratura u collavuratur dal secretari dal departament elavurais Vus independentamain projects legislativs e sustegnais il departament ed ils uffizis en dumondas giuridicas. Vus essas la persuna ch'è responsabla per la planisaziun e per la direcziun da projects sco er per la coordinaziun interna ed externa. Vus elavurais er relaschs, documents da consultaziun, missivas, disposiziuns dal departament e conclus da la Regenza. Ultra da quai sustegnais Vus il secretari dal departament en connex cun incumbensas da stab ed il servetsch giuridic en proceduras da recurs.

Voss profil: Questa lavur pretensiusa tranter l'administraziun e la politica pretenda in studi universitar terminà da giurisprudenza, sche pussaivel cun ina patenta d'advocat. Nus premettain in'experientscha en l'administraziun, tar ina dretgira u en in'advocatura. Ultra da quai avais Vus fitg bunas enconuschientschas dal dretg public ed administrativ dal chantun Grischun. Vus enconuschais las relaziuns politicas, economicas e socialas dal chantun Grischun. Vus essas ina persunalitad motivada che sa lavurar en in team, ch'è abla da supportar squitsch e ch'è disada da lavurar independentamain ed en moda orientada a la soluziun, er sche Vus survegnis incumbensas difficilas. In bun dun receptiv ed in pensar analitic sco er in'expressiun irreproschabla per tudestg en scrit ed a bucca cumpletteschan Voss profil. Experientscha dal management da projects sco er enconuschientschas d'ina ulteriura lingua chantunala èn giavischadas ed èn d'avantatg.

Grad d'occupaziun: 80 - 100 %

Cumenzament da la lavur: 1. da schaner 2021 u tenor cunvegna

Lieu da lavur: Cuira

Termin d'annunzia: 30 da settember 2020

Persuna da contact: Simon Bott (secretari dal departament), telefon 081 257 27 11, simon.bott@ekud.gr.ch u Marco Wieland (manader dal servetsch giuridic), telefon 081 257 27 24, marco.wieland@rd.gr.ch

Wir freuen uns auf Ihre vollständige online Bewerbung.