L'administraziun chantunala – ina patruna moderna per collavuraturas motivadas e collavuraturs motivads sco Vus.
geologa u geolog / idrogeologa u idrogeolog (50 - 80 %)

Uffizi per la natira e l'ambient

Gürtelstrasse 89

7000 Cuira

Voss champ d'incumbensas: En il sectur da la protecziun e da l'utilisaziun da l'aua sutterrana accumpagnais Vus las determinaziuns da zonas da protecziun per implants da pumpadi per aua sutterrana, per funtaunas d'aua da baiver e d'aua minerala sco er las lavurs idrogeologicas per retratgas d'aua sutterrana per pumpas a chalur, per aua da baiver e per aua da diever. Vus concedis la permissiun tenor la legislaziun davart la protecziun da las auas per edifizis e stabiliments sco er per lavurs en secturs periclitads particularmain areguard la protecziun da las auas. Vus cussegliais vischnancas, inschigners e geologs en Voss sectur spezial. Vus actualisais la charta da la protecziun da las auas, da l'aua sutterrana sco er da l'utilisaziun da la chalur da la terra e tgirais la rait chantunala d'observaziun da l'aua sutterrana. Ultra da quai redigis Vus las posiziuns specificas tar differents projects da construcziun e da planisaziun. Vus essas pronta u pront da far servetsch da pichet en il rom dal servetsch cunter donns.

Voss profil: Vus avais terminà in studi sco geologa u geolog cun enconuschientschas approfundadas e cun experientscha en il sectur da l'idrogeologia. Vus avais ina demananza segira, avais in bun dun da contractar, lavurais en moda autonoma, essas ina persuna communicativa e savais lavurar en in team. Vus avais ina buna expressiun a bucca ed en scrit per tudestg. Enconuschientschas dal rumantsch e dal talian èn d'avantatg.

Grad d'occupaziun: 50 - 80 %

Cumenzament da la lavur: 1. da november 2020 u tenor cunvegna

Lieu da lavur: Cuira

Termin d'annunzia: 20 d'avust 2020

Persuna da contact: Yves Quirin, telefon 081 257 29 65, yves.quirin@anu.gr.ch

Wir freuen uns auf Ihre vollständige online Bewerbung.