L'administraziun chantunala – ina patruna moderna per collavuraturas motivadas e collavuraturs motivads sco Vus.
manadra u manader dal Post da stab per l'egualitad da las schanzas (60 %)

Servetschs dal departament dal DECA

Quaderstrasse 17

7000 Cuira

Voss champ d'incumbensas: Sco center da cumpetenza central dal chantun Grischun è il Post da stab per l'egualitad da las schanzas cumpetent per promover, per realisar e per garantir l'egualitad da las schanzas da dunna ed um en tut ils secturs da la vita. Vus lavurais sco incumbensada u incumbensà per dumondas d'egualitad dal chantun cun Voss agen team ch'è attribuì als servetschs dal Departament d'educaziun, cultura e protecziun da l'ambient. Vus avais la responsabladad per il svilup e per la realisaziun da projects d'egualitad, per l'execuziun d'incumbensas dal schef dal departament, per la collavuraziun a consultaziuns e per la lavur da publicitad dal post da stab. Plinavant cussegliais Vus – ensemen cun la collavuratura giuridica – dunnas ed umens, organisaziuns ed uffizis en dumondas d'egualitad e tgirais las raits chantunalas, regiunalas e naziunalas en Voss sectur specific. Vus manais in pitschen team e represchentais ils interess dal post da stab entaifer l'administraziun e vers anora.

Voss profil: Vus essas ina persunalitad engaschada che sa stenta da realisar l'egualitad da las schanzas da dunna ed um. Vus possedais in diplom universitar en scienzas socialas, umanas u economicas ed avais cumpetenzas cumprovadas en dumondas da gender e d'egualitad. La funcziun pretenda blera creativitad ed atgna iniziativa, in interess exprimì per la collavuraziun interdisciplinara, cumpetenzas da stimar schanzas e ristgas sco er l'abilitad da lavurar en in team. Experientscha professiunala en l'administraziun publica sco er enconuschientschas da las relaziuns socialas, politicas, culturalas ed economicas dal chantun èn d'avantatg. Plinavant spetgain nus che Vus sappias As exprimer en moda segira e buna a bucca ed en scrit en tudestg. Enconuschientschas solidas da las autras linguas chantunalas èn d'avantatg en questa funcziun.

Grad d'occupaziun: 60 %

Cumenzament da la lavur: 1. da schaner 2021

Lieu da lavur: Cuira

Termin d'annunzia: 28 d'avust 2020

Persuna da contact: Simon Bott, secretari dal DECA, telefon 081 257 27 11.

Las annunzias ston vegnir inoltradas exclusivamain online.

Wir freuen uns auf Ihre vollständige online Bewerbung.