L'administraziun chantunala – ina patruna moderna per collavuraturas motivadas e collavuraturs motivads sco Vus.
investigatura u investigatur da cybercrime (80 - 100 %)

Polizia chantunala

Ringstrasse 2

7000 Cuira

Voss champ d'incumbensas: Las inquisiziuns tecnicas en cas da delicts da cybercrime en il senn pli stretg (p.ex. hacking, malware e.u.v.) sco er la redacziun da rapports d'inquisiziun che pon vegnir duvrads davant dretgira tutgan tar Vossas incumbensas. Er la segirada da datas en l'internet, da discs dirs, da computers, da telefons mobils e.u.v. sco er lur elavuraziun per las referendarias ed ils referendaris dals cas è ina part da Voss champ d'incumbensas. Il sustegn da las referendarias e dals referendaris dals cas en lur inquisiziuns en il sectur da la criminalitad digitala, l'elavuraziun e la visualisaziun da datas da massa, l'analisa da datas cumplexas sco er retschertgas online pli profundas (OSINT sistematica) tutgan medemamain tar Vossas incumbensas.

Activitads d'instrucziun sco er da scolaziun en il sectur da cybercrime ed inquisiziuns simplas en il darknet sco er analisas fundamentalas/tracings da criptomunaida èn part da Vossas incumbensas lateralas.

Voss profil: Vus avais interess per aspects tecnics da l'informatica. Ina premissa è ultra da quai che Vus hajas ina constituziun psichica robusta ed ina buna abilitad per mantegnair ina distanza interna envers la lavur. Ina scolaziun u ina furmaziun supplementara en il sectur informatica/electronica u in emprendissadi terminà en quests champs è d'avantatg ubain la prontezza d'absolver bainprest ina scolaziun specifica per la funcziun sco er la motivaziun da far ina furmaziun supplementara cuntinuanta specifica per il champ. Premessas vegnan abilitads communicativas a bucca ed en scrit tant en tudestg sco er en englais (stgalim da cumpetenza B1). Ultra da quai essas Vus ina persunalitad flexibla ch'è abla da supportar squitsch, che lavura en moda orientada al team e che ha ina gronda atgna iniziativa ed ina integritad e loialitad marcanta. La prontezza da prestar acziuns ordaifer las uras da lavur regularas cumplettescha Voss profil.

Grad d'occupaziun: 80 - 100 %

Cumenzament da la lavur: tenor cunvegna

Lieu da lavur: Cuira

Termin d'annunzia: 7 d'avust 2020

Persuna da contact: Beat Huonder, telefon 081 257 74 16, beat.huonder@kapo.gr.ch

Wir freuen uns auf Ihre vollständige online Bewerbung.