L'administraziun chantunala – ina patruna moderna per collavuraturas motivadas e collavuraturs motivads sco Vus.
supportra u supporter dad ICT (80 - 100 %)

Polizia chantunala
Ringstrasse 2
7000 Cuira

Voss champ d'incumbensas: La ICT da la Polizia chantunala dal Grischun è responsabla per il manaschi da sistems e d'applicaziuns spezialisadas. Latiers tutga il support per clientella interna ed externa. Sco supportra u supporter dad ICT lavurais Vus en il service desk. Là prestais Vus support da l'emprim livel, sustegnais las applitgadras ed ils applitgaders ed eliminais disturbis da la hardware e da la software en cas da problems tecnics. Vossas incumbensas cumpiglian er il svilup ed il mantegniment da l'infrastructura da client e la tgira da la documentaziun davart sistems e davart soluziuns da problems. Vus surpigliais la responsabladad per nossa applicaziun ITSM. Plinavant essas Vus pronta u pront da far servetsch da pichet.

Voss profil: Per questa activitad multifara vegn premessa ina persunalitad independenta e fidada che stima il contact cun la clientella e che lavura gugent en in team che funcziuna bain. Er sut squitsch da temp essas Vus abla u abel da liquidar las incumbensas en moda structurada ed exacta.
Vus essas disada u disà da lavurar cun products da la paletta da Microsoft en in ambient da manaschi. Vus enconuschais fitg bain ils process ITIL e savais applitgar quels en il manaschi. Sco basa disponis Vus d'in emprendissadi d'informatica terminà u d'in auter emprendissadi terminà e d'ina furmaziun supplementara approfundada en il champ d'incumbensas.

Grad d'occupaziun: 80 - 100 %

Cumenzament da la lavur: tenor cunvegna

Lieu da lavur: Cuira

Persuna da contact: Sandro Bühler, telefon 081 257 73 83, sandro.buehler@kapo.gr.ch

Nus ans legrain da Vossa annunzia electronica cumpletta.