L'administraziun chantunala – ina patruna moderna per collavuraturas motivadas e collavuraturs motivads sco Vus.
manadra u manader dal sectur da la scola populara (80 - 100 %)

Uffizi per la scola populara ed il sport

Quaderstrasse 17

7000 Cuira

Voss champ d'incumbensas: L'Uffizi per la scola populara ed il sport è il pli grond dals trais uffizis da furmaziun dal Departament d'educaziun, cultura e protecziun da l'ambient. El cumpiglia tschintg partiziuns ed in sectur da stab cun differentas incumbensas interdisciplinaras. Sco manadra u manader dal sectur da la scola populara lavurais Vus en il stab da l'uffizi.

 

La scola populara dal Grischun è caracterisada d'ina dinamica impressiunanta cun in ferm svilup en quai che reguarda il cuntegn sco er las structuras. Gronds giavischs socials vegnan reproducids sur process politics en la concepziun da la scola populara. Tar l'Uffizi per la scola populara ed il sport vegnan pervia da quai er mess accents decisivs per il futur da la generaziun vegninta. El prepara tenor l'incumbensa surordinada las parts correspundentas da la legislaziun e da las missivas sco er d'ordinaziuns, d'instrucziuns, da directivas e da concepts. El sviluppa plans d'instrucziun e documents da basa davart il sectur da furmaziun e d'educaziun, realisescha quels en la cuntrada da scola grischuna e tschertga en quest connex la collavuraziun cun auters chantuns. La direcziun dal sectur sa mova en quests conturns tematics interessants, duraivels e da gronda responsabladad. Vus cumplettais in team fitg motivà e gidais activamain – grazia a Vossa cumpetenza sociala marcanta e cun Vossa savida spezialisada e professiunala – a sviluppar vinavant la scola populara. Vus vegnis integrada u integrà en incumbensas decisivas da l'uffizi e sviluppais basas prospectivas per ils suandants purtaders da decisiuns sco la direcziun da l'uffizi, il departament, la Regenza ed il parlament. Tar Voss champ d'incumbensas na tutgan betg mo la liquidaziun da pendenzas cumplexas da las fatschentas quotidianas e la surpigliada da dossiers tematics, mabain er la direcziun decisiva da projects en il sectur da la scola populara.

Voss profil: Vus avais in scolaziun pedagogica cun in diplom da magistra u da magister dal stgalim da la scola populara ed avais da preferenza dà scola sin plirs stgalims, u Vus possedais in diplom academic, sche pussaivel sco cumbinaziun dal sectur da furmaziun e d'educaziun. Vus avais experientscha professiunala ed avais fatg furmaziuns supplementaras er en in context da la furmaziun da persunas creschidas. Ultra da quai avais Vus in grond interess per dumondas da scolaziun e d'educaziun, en spezial per la scola populara, ed avais enconuschientschas pli profundas dal sistem da scola grischun. Vus essas disada u disà da lavurar en moda independenta, ma As savais er mover bain en in team da project. Plinavant avais Vus ina buna expressiun a bucca ed en scrit per tudestg, savais bain almain in'ulteriura lingua chantunala sco er da preferenza englais.

Vus essas ina persunalitad iniziativa che ha in grond senn da responsabladad, avais experientscha en il management da projects sco er la prontezza d'As introducir en novs champs d'incumbensas. Ultra da quai avais Vus ina fitg buna abilitad d'analisa e da reflexiun, bunas enconuschientschas da l'informatica e da sias pussaivladads d'applicaziun en il context professiunal. Vus savais lavurar en in team e supportar squitsch, avais perseveranza e forza d'As far valair e Voss interess e Vossa flexibilitad As distinguan medemamain. Uschia essas Vus er en cas da preparar lavurs concepziunalas pretensiusas. Da preferenza collavurais Vus er gugent en gruppas da lavur chantunalas u interchantunalas pli grondas.

Grad d'occupaziun: 80 - 100 %

Cumenzament da la lavur: 1. da december 2020 u tenor cunvegna

Lieu da lavur: Cuira

Termin d'annunzia: 7 d'avust 2020

Persuna da contact:  dr. Chantal Marti-Müller, telefon 081 257 27 36, chantal.marti@avs.gr.ch

Wir freuen uns auf Ihre vollständige online Bewerbung.