L'administraziun chantunala – ina patruna moderna per collavuraturas motivadas e collavuraturs motivads sco Vus.
manadra giuridica u manader giuridic da projects en il sectur dal e-government (50 - 70 %)

Secretariat dal Departament da giustia, segirezza e sanadad

Hofgraben 5

7000 Cuira

Voss champ d'incumbensas: Sco collavuratura u collavuratur da la manadra da project per dumondas da giustia ed en stretga collavuraziun cun il Post spezialisà per il e-government elavurais Vus projects legislativs en il sectur dal e-government. Vus essas la persuna ch'è responsabla per la planisaziun e per la direcziun da projects sco er per la coordinaziun interna ed externa. Ultra da quai elavurais Vus relaschs, documents da consultaziun e missivas e preparais conclus da la Regenza.

Voss profil: Questa lavur pretensiusa pretenda in studi universitar terminà da giurisprudenza. Vus avais bunas enconuschientschas dal dretg public. Vus vesais la digitalisaziun sco schanza, essas ina persuna cun in'affinitad per la tecnologia d'infurmaziun ed avais interess dals process administrativs ils pli differents. Ultra da quai n'èn la signatura electronica, il barat da datas electronicas e la protecziun da datas betg pleds esters per Vus e Vus As sentis bain tant en il mund da la giurisprudenza sco er en quel da la tecnologia d'infurmaziun. Vus essas ina persunalitad motivada ch'è abla da supportar squitsch e ch'è disada da lavurar independentamain er sch'ella survegn incumbensas difficilas. In bun dun receptiv ed in pensar analitic sco er ina furma d'expressiun irreproschabla per tudestg en scrit ed a bucca cumpletteschan Voss profil. Experientscha dal manaschament da projects, dals fatgs d'acquisiziun sco er enconuschientschas d'ina ulteriura lingua chantunala èn giavischadas.

Grad d'occupaziun: 50 - 70 %

Cumenzament da la lavur: 1. d'october 2020 u tenor cunvegna

Lieu da lavur: Cuira

Termin d'annunzia: 10 da fanadur 2020

Persuna da contact: dr. Christa Baumann (manadra da project per dumondas da giustia), telefon 081 257 25 09,christa.baumann@djsg.gr.ch u Marc Heuberger (manader dal Post spezialisà per il e-government), telefon 081 257 22 67,marc.heuberger@staka.gr.ch

Wir freuen uns auf Ihre vollständige online Bewerbung.