L'administraziun chantunala – ina patruna moderna per collavuraturas motivadas e collavuraturs motivads sco Vus.
assistenta u assistent da la direcziun (60 - 80 %)

Ufficio del personale

Steinbruchstrasse 18

7000 Coira

Voss champ d'incumbensas: Sco uffizi interdisciplinar procura l'Uffizi da persunal ch'il chantun Grischun saja in patrun attractiv e modern e che las persunas superiuras da l'administraziun chantunala chattian cundiziuns generalas per ina buna direcziun e per autas prestaziuns da las collavuraturas e dals collavuraturs. Sco assistenta u assistent da la direcziun essas Vus responsabla u responsabel per il secretariat da l'uffizi e garantis per ina furniziun da las prestaziuns effizienta en l'administraziun, e quai al punct da contact tranter il manader da l'uffizi, ils manaders da las partiziuns sco er las collavuraturas ed ils collavuraturs da l'Uffizi da persunal. En questa activitad variada liquidais Vus las lavurs da secretariat che resultan, sco la liquidaziun da la posta cun la controlla electronica da las fatschentas, l'administraziun dals dossiers, la surveglianza e la controlla dals termins e da las pendenzas sco er la preparaziun da tabellas, da protocols, da preschentaziuns e da graficas. Vus perfecziunais las correspundenzas ed organisais quai che resulta mintga di. Per incumbensa dal cader surpigliais Vus incumbensas spezialas, collavurais en projects interns per garantir proceduras optimalas e realisais quellas – sche pussaivel – independentamain.

Voss profil: Vus avais terminà ina scolaziun commerziala u fatg ina matura ed in pèr onns experientscha professiunala, per exempel en in biro d'advocatura u en ina partiziun giuridica, en il cas ideal cun ina scolaziun u furmaziun supplementara en economia da manaschi, en il sectur da las resursas umanas u da giurisprudenza (p.ex. economa u econom da manaschi SSS, spezialista u spezialist da resursas umanas, CAS paralegal, BSc en business law, BLAW u assistenza da direcziun). Vus avais gia collavurà en projects d'organisaziun u d'informatica. Affinitad per il mund digital, en spezial per Microsoft Office e per applicaziuns spezialas, As distinguan gist uschia sco Vossa premura en la redacziun da documents cumplexs. Vus essas ina persuna da buna luna, flexibla e discreta ch'è abla da lavurar en in team, ch'è orientada a servetschs e che lavura en moda independenta, exacta, proactiva e fidada. Vus avais in stil segir d'As exprimer per tudestg e da preferenza enconuschientschas d'ina segunda lingua uffiziala.

 

Sche nus avain sveglià Voss interess, lura ans legrain nus da Vossa annunzia.

Grad d'occupaziun: 60 - 80 %

Cumenzament da la lavur: immediatamain u tenor cunvegna

Lieu da lavur: Cuira

Termin d'annunzia: 5 da fanadur 2020       

Persuna da contact: Fernando Guntern, manader da l'uffizi, telefon 081 257 32 24, fernando.guntern@pa.gr.ch

Wir freuen uns auf Ihre vollständige online Bewerbung.