informaticra u informaticher (tecnica da sistem) – Uffizi d'informatica, Cuira
Champ d'incumbensas
Questa professiun variada signifitga collavuraziun en teams e cooperaziun en projects. Ti gidas a sviluppar novas soluziuns ed optimeschas sistems ed andaments existents en il manaschi. L'informatica è omnipreschenta – perquai è questa scolaziun ina buna basa per ina spezialisaziun posteriura.
tecnica da sistem, cun las suandantas activitads principalas:
endrizzar, configurar, prender en funcziun e mantegnair ils computers da las utilisadras e dals utilisaders, ils sistems da server e las cumponentas da la rait
far documentaziuns dal sistem
lavurar en Projects
Quest sectur professiunal vegn purschì dal'uffizi d'informatica a Cuira.
Tias fermezzas èn
abilitad da lavurar en in team
pensar logic-abstract
creativitad en la tschertga da soluziuns
bun dun receptiv
imaginaziun tridimensiunala
fitg buna abilitad da sa concentrar
moda sistematica da lavurar
pazienza e perseveranza
bunas enconuschientschas da l'englais
multicheck
Accents da la scolaziun
Ultra da la scolaziun professiunala èn er la promoziun ed il svilup da la cumpetenza metodica, sociala e persunala parts impurtantas da tia scolaziun. Quai na ta gida betg mo a dumagnar las differentas pretensiuns sin plaun professiunal, mabain er sin plaun interuman.
Pretensiun
Betg ponderescha ditg, mabain t'annunzia anc oz tar nus. Infurmaziuns detagliadas e video davart las singulas professiuns chattas sut www.lehre.gr.ch. Sche ti has anc dumondas u vulessas savair dapli davart la professiun giavischada, lura dà simplamain in Telefon: Uffizi da persunal dal Grischun, Raffaella Bacchi, Telefon 081 257 32 38
Nus ans legrain da tia annunzia cun il curs da la vita ed ina fotografia sco er cun ils quatter ultims attestats da scola. Ta preschenta curtamain en ina brev e mussa, pertge che nus duessan tscherner gist tai sco proxima emprendista u proxim emprendist.