L'administraziun chantunala – ina patruna moderna per collavuraturas motivadas e collavuraturs motivads sco Vus.
spezialista u spezialist per l'execuziun giudiziala

Uffizi per l'execuziun giudiziala

Gäuggelistrasse 16

7001 Cuira

Voss champ d'incumbensas: Il Stabiliment giudizial Realta serva a l'execuziun averta dad umens tenor il Cudesch penal e tenor il Cudesch civil svizzer. Sco spezialista u spezialist per l'execuziun giudiziala collavurais Vus en il Stabiliment giudizial Realta en il sectur da l'assistenza e da la segirezza. Ensemen cun las commembras ed ils commembers dal team garantis e coordinais Vus in andament ordinà dal manaschi resguardond las basas giuridicas sco er las prescripziuns e las reglas relevantas per l'execuziun e per la segirezza. Vus surpigliais la surveglianza e l'assistenza da las persunas collocadas che derivan da differents spazis culturals ed essas la persuna da contact per dumondas e per giavischs. Vus prestais servetsch da la damaun, da la saira, da notg e da fin d'emna e cooperais en gruppas da lavur. Plinavant surpigliais Vus servetschs da substituziun en la cuschina d'elavuraziun.

Voss profil: Da preferenza avais Vus terminà in emprendissadi sco cuschiniera u cuschinier AFQ u en in champ d'activitad sumegliant ed avais bunas enconuschientschas da l'elavuraziun da victualias. Il contact cun persunas da differentas culturas, ch'èn en situaziuns da vita difficilas, vesais Vus sco sfida positiva. Vus essas ina persunalitad equilibrada ch'è abla da lavurar en in team, da supportar squitsch e da schliar conflicts e Vus avais ina gronda cumpetenza sociala. Voss profil vegn cumplettà d'in bun stil d'As exprimer en scrit per tudestg, d'enconuschientschas da l'informatica, dal permiss da manischar cat. B e – da preferenza – d'enconuschientschas da linguas estras. Ultra da quai avais Vus ina conduita irreproschabla, ina vegliadetgna d'almain 30 onns ed essas pronta u pront d'absolver la scolaziun sco persuna spezialisada per l'execuziun giudiziala.

Grad d'occupaziun: 100 %

Cumenzament da la lavur: tenor cunvegna

Lieu da lavur: Cazas

Termin d'annunzia: 7 da zercladur 2020

Persuna da contact: Werner Trüssel, telefon 081 257 46 40 u Manuela Kassubek, telefon 081 257 52 61, personal@ajv.gr.ch

Wir freuen uns auf Ihre vollständige online Bewerbung.