L'administraziun chantunala – ina patruna moderna per collavuraturas motivadas e collavuraturs motivads sco Vus.
cussegliadra u cussegliader da persunal CIL Samedan (80 - 100 %)

Uffizi per industria, mastergn e lavur (UCIML)

Grabenstrasse 9

7000 Cuira

Voss champ d'incumbensas: Vus giuditgais, tge pussaivladads che persunas che tschertgan ina plazza, han sin il martgà da lavur, intermediais ad ellas ina plazza da lavur u iniziais mesiras adattadas, sco p.ex. curs da furmaziun supplementara. Vus cussegliais las persunas che tschertgan ina plazza en dumondas dal dretg d'assicuranza ed en autras dumondas, examinais, sche las prescripziuns da controlla vegnan observadas, e collavurais stretgamain cun auters posts. Ultra da quai tgirais Vus in viv contact cun las patrunas ed ils patruns da la regiun ed acquiris plazzas vacantas.

Voss profil: Sco basa per questa lavur pretensiusa disponis Vus d'in diplom professiunal sco er d'ina experientscha professiunala da plirs onns. En il cas ideal avais Vus gia in certificat professiunal federal sco spezialista u spezialist da resursas umanas u avais absolvì ina scolaziun equivalenta. Vus avais er gia lavurà en ils fatgs da persunal u en ina funcziun da cussegliaziun ed enconuschais il martgà da lavur local. Vus essas ina persuna ch'è abla da supportar squitsch, che lavura en moda independenta ed effizienta e che ha chapientscha per persunas ch'èn en situaziuns da vita difficilas. Medemamain avais Vus ina gronda cumpetenza sociala, abilitads communicativas e savais As integrar bain en in pitschen team. Ultra da tudestg savais Vus er talian. Bunas enconuschientschas dal computer (Word/Excel) vegnan premessas e cumpletteschan Voss profil.

Grad d'occupaziun: 80 - 100 %

Cumenzament da la lavur: 1. da fanadur 2020 u tenor cunvegna

Lieu da lavur: Samedan

Termin d'annunzia: 29 da matg 2020

Persuna da contact: Andrea Albin, telefon 081 257 31 11, andy.albin@kiga.gr.ch u Milena Stevic, telefon 081 257 49 25, milena.stevic@kiga.gr.ch

Wir freuen uns auf Ihre vollständige online Bewerbung.